ASTANA. 15 aqpan. Almatydaǵy 28 gvardııalyq-panfılovshylar atyndaǵy saıabaqta «Nas mıllıony panfılovsev» halyqaralyq eske alý vahtasynyń shtandarty saltanatty túrde tabys etildi. Bul týraly egemen.kz tilshisi habarlady.
Shtandart batyrlyq sımvoly retinde Qazaqstan Qarýly Kúshteriniń áskerı qyzmetshileri qabyldaǵannan keıin Reseıge jiberilip, ári qaraı TMD elderi men qalalaryna jiberiledi.
Saltanatty rásimge qurmet qaraýyl rotasy men Qurlyq áskerleriniń Áskerı ınstıtýty jáne Radıoelektronıka jáne baılanys Áskerı-ınjenerlik ınstıtýtynyń orkestri, Qazaqstan Aeroutqyr áskerleriniń, sondaı-aq Ulttyq ulannyń 150-ge jýyq áskerı qyzmetshisi, Ivan Panfılovtyń nemeresi, qalalyq áskerı-patrıottyq klýbtardyń oqýshylary men tárbıelenýshileri qatysty.
Budan buryn 11 aqpanda shtandartty Pavlodarda qarsy aldy. «Panfılovshylar men ózge de dańqty qorǵaýshylardyń erlikteri jaıly Qazaqstan tarıhynda altyn áriptermen jazylǵan. Búginde bizdiń mıssııamyz Otanymyzdy qorǵaýǵa sarp etken jáne qazaqstandyq patrıotızm rýhynda jastarǵa tárbıe berý, Otanǵa degen adaldyqqa, áskerı mindetti oryndaýǵa ázirlikke jetelegen dańqty, panfılovshy batyrlardy qurmet tutýdan turady», dedi Pavlodar oblysynyń qorǵanys isteri jónindegi departamenti bastyǵynyń orynbasary Dmıtrıı Býksman
«Nas mıllıony panfılovsev» halyqaralyq eske alý vahtasy Reseı Federasııasynyń Orynbor qalasynda ótken jyldyń 16 qazanynda bastalǵan. Ol 1941 jyly Máskeýdegi panfılovshylardyń erliginiń 75 jyldyǵyna arnalǵan.
Dastan Kenjalın.
Derek, sýret: Qazaqstan Respýblıkasy Qorǵanys mınıstrligi.
