QYZYLORDA. 15 aqpan. О́skemen qalasynda jeńil atletıkadan 1999-2000 jyldary týǵan jasóspirimder arasynda ótken Qazaqstan chempıonatynda Qyzylorda oblysynyń №4 olımpıadalyq rezervtiń mamandandyrylǵan balalar-jasóspirimder mektebiniń sportshylary jaqsy óner kórsetti. Bul týraly oblystyq sport jáne deneshynyqtyrý basqarmasyna silteme jasaǵan egemen.kz habarlady.
Nátıjesinde, Svetlana Saýnına 3000 metr qashyqtyqqa jáne 2000 metr kedergiler arqyly júgirýden birinshi bolyp keldi.
Bekbolat Múslimov 2000 metr jáne Azamat Quldas 800 metr kedergiler arqyly júgirýden qola júldeni enshiledi.
Osy jarystan keıin О́skemende jeńil atletıkadan 1997-1998 jyldary týylǵan jastar arasynda Qazaqstan Respýblıkasynyń chempıonaty ótti. Jarysta qarmaqshylyq Rahymjan Kelmanov 2000 metr kedergiler arqyly júgirýden jeńimpaz atansa, 3000 metr qashyqtyqqa júgirýden 3-oryndy ıelendi. Al qyzylordalyq Anastasııa Shadylo 800 metr júgirýden kúmis júldeni ıelendi.
Sportshylardy jarysqa Vladımır Leptıkov, Natalıa Leptıkova, Rýslan Omarov, Murat Ketebaev,Irına Iýngkınd jáne Rashıda Sarbasovalar daıyndady.
Erjan Baıtiles.
Derek, sýret: Qyzylorda oblystyq sport jáne deneshynyqtyrý basqarmasy.
