Angolada salmaǵy 404,2 karat bolatyn almaz tabyldy

ASTANA. 15 aqpan. Angolada avstralııalyq kompanııa salmaǵy 404,2 karat bolatyn almaz tas óndirip shyǵardy. Bul týraly ria.ru saıtyna silteme jasaǵan egemen.kz tilshisi habarlady. Lucapa Diamond Company baǵaly tasty Soltústik Lýnda provınsııasynan óndirip shyǵardy. Bul almaz Angolada tabylǵan asyl tastardyń ishindegi eń aýyry bolyp esepteledi. Osyǵan deıin atalǵan mańaıdan salmaǵy 100 karattan asatyn úsh almaz óndirip alynǵan. Kompanııa basshysy Maılz Kennedı buryn-sońdy mundaı úlken tasty satyp kórmegendikten naqty qunyn bile almaı otyrǵandyǵyn málimdedi. Alaıda, osyǵan deıin salmaǵy bul tastan azdap jeńildeý almazdar 14 mıllıon AQSh dollaryna satylǵandyǵyn aıtty. Aıta keteıik, álemdegi eń úlken almaz tas 1905 jyly Ońtústik Afrıka Respýblıkasyndaǵy Premier Mine kenishinde tabyldy. Salmaǵy 3 myń 106 karatty (621 gramm) qurasa, kólemi 100h65h50 mm bolady. Bul ken ornynyń ıesi Tomas Kýllınannyń qurmetine áıgili tasqa «Kýllınan» degen ataý berildi. Sondaı-aq, «Afrıka juldyzy» degen esimmen de belgili. Aıan Ábdýálı. Derek, sýret: ria.ru.