Úgit kezeńindegi baq qyzmetin retteý

ashyqtyq pen ádildikti qamtamasyz etýdiń mańyzdy bóligi Keshe Qazaqstan Respýblıkasynyń Ortalyq saılaý komıssııasynda buqaralyq aqparat quraldarynyń basshylarymen saılaýdy aqparattyq súıemeldeý jáne saılaý aldyndaǵy úgitti júzege asyrý erejesin saqtaý máseleleri jónindegi semınar ótti. Semınardy Ortalyq saılaý komıssııasy tóraǵasynyń orynbasary Vladımır Foos júrgizip otyrdy. Jıynda Ortalyq saılaý ko­mıs­sııasynyń múshesi Lázzat Súleı­men baıandama jasady. Baıan­damasynda ol buqaralyq aqparat quraldarynyń ókilderin elektorattyq kezeńde BAQ qyzmetin uıymdastyrýǵa qatysty saılaý zańnamasynyń erejeleri, partııalar men kandıdattardyń saılaý aldyndaǵy úgitterin buqaralyq aqparat quraldary arqyly júzege asyrýdyń tártibi jáne sharttary týraly aqparattandyryp, saılaý naýqany barysyn jarııalaýdyń negizgi qaǵıdalaryna toqtaldy. Ortalyq saılaý komıs­sııa­synyń múshesi óz sózinde atap kórsetkendeı, buqaralyq aqpa­rat quraldary arqyly saılaý aldyndaǵy úgit partııalyq tizim­der men kandıdattardy Konstı­týsııalyq zańǵa sáıkes belgi­lengen tirkeý merzimi aıaqtalǵan sátten bastalady jáne saılaý bola­tyn kúnniń aldyndaǵy kúngi jergilikti ýaqyt boıynsha saǵat 00-de aıaqtalady. Partııa­lyq tizimderin usynǵan saıası par­tııalarǵa, máslıhattar depýtat­tyǵyna kandıdattarǵa saılaý aldyndaǵy úgit júrgizýi úshin buqaralyq aqparat quraldaryna qol jetkizýiniń teń jaǵdaıyna kepildik berilgen. «Saılaý kúni jáne onyń qarsańyndaǵy kúni úgit ma­terıaldaryn buqaralyq aqpa­rat quraldarynda jarııalaý, efır­ge shyǵarýǵa tyıym salynady, – dedi L.Súleımen. – Buryn orna­lastyrylǵan materıaldardy ın­ternet-resýrstardyń bas­ty bet­terine shyǵarýǵa jol beril­meıdi. Saılaý aldyndaǵy úgit kezeń­inde partııalyq tizimderin usynǵan saıası partııalardyń, máslıhattar depýtattyǵyna kandıdattardy saılaý aldyndaǵy úgitine baılanysty merzimdi baspa basylymynyń taralymy barlyq partııalyq tizimderin usynǵan saıası partııalar, máslıhattar depýtattyǵyna kandıdattar úshin birdeı bolýǵa tıis». Sonymen qatar, ol saılaý al­dyn­daǵy úgit materıaldaryn tara­týda kimderge tyıym salyn­ǵanyn atap ótti. Olar – memle­kettik organdar, jergilikti ózin ózi basqarý organdary, sondaı-aq, qyzmettik mindetterin oryn­daý kezinde olardyń laýazym­dy adamdary, Qarýly Kúshter­diń, basqa da áskerler men áske­rı quralymdardyń áskerı qyz­met­shileri, ulttyq qaýipsizdik organdarynyń, quqyq qorǵaý organ­darynyń qyzmetkerleri men sýdıalar, saılaý komıssııa­larynyń músheleri jáne dinı birlestikter. Budan keıin OSK múshesi par­tııalyq tizimderi tirkelgen saıa­sı partııalarǵa, máslıhat depýtattyǵyna tirkelgen kan­dı­dattarǵa sharttyq negizde efır ýaqy­tynan, baspasóz betinen oryn berý tártibinen habardar etti. Buqaralyq aqparat quraldarynyń redaksııalary partııalyq tizimderi tirkel­gen saıası partııalarǵa, máslıhat depýtattyǵyna tirkelgen kan­dı­dattarǵa sharttyq negizde efır ýaqytyn jáne baspasóz beti­nen oryn beredi. Partııalyq tizim­derin usynǵan saıası partııalarǵa buqaralyq aqparat quraldarynda efır ýaqyty men baspasóz betinen oryn berý úshin Ortalyq saılaý komıssııasynyń partııalyq tizimdi tirkeý týraly sheshiminiń kó­shir­mesi men ýákiletti adam qol qoı­ǵan, habar berýdi, efırge shyǵa­rýdy júzege asyratyn buqa­ralyq aqparat quraly basshy­synyń atyna jazylǵan jazbasha ótinish negiz bolyp tabylady. «Partııalyq tizimderin usyn­ǵan saıası partııalardyń, máslı­hattar depýtattyǵyna kandı­dat­tardyń buqaralyq aqparat qural­daryna shyǵýynyń kezektiligi jazbasha ótinishterdiń kelip túsý retimen nemese ótinishter bir mez­gilde kelip tússe, jerebe boıynsha belgilenedi, – dedi L.Súleımen. – Partııalyq tizimderin usynǵan saıası partııalar, máslıhattar depýtattyǵyna kandıdattar jazbasha ótinishterinde qaı kezde sóz sóıleıtinin joramal­daıtyn kúnin, ýaqytyn kórse­tedi. Osy usynystardyń negizin­de buqaralyq aqparat qural­darynyń redaksııalary partııa­lyq tizimderin usynǵan saıası par­tııalardyń, máslıhattar depý­tat­tyǵyna kandıdattardyń sóz sóı­leýi úshin efır ýaqyty men bas­pasóz betinen oryn berý kestesin belgileıdi». Sóziniń sońynda OSK múshesi saılaý qorynan tólenetin qara­jatqa da toqtaldy. Partııalyq tizim­derin usynǵan saıası partııa­lardyń, máslıhattar depýtat­tyǵyna kandıdattardyń saılaý aldyndaǵy úgitin qamtı­tyn merzimdi baspasóz basylym­darynyń barlyq jarııalanymdary, tele-jáne radıohabarlary qarjylandyrý kózderi týra­ly aqparatty qamtýǵa tıis. Aqparattandyrý tásilin buqara­lyq aqparat quraly redaksııa­synyń ózi aıqyndaıdy. Partııa­lyq tizimderin usynǵan saıası par­tııalardyń, máslıhattar depýtat­tyǵyna kandıdattardyń úgit ma­terıaldaryn jaryqqa shyǵarý, efırden berý quny partııa­lyq tizimin usynǵan saıası par­tııanyń, máslıhat depýtat­tyǵyna kandıdattyń saılaý qorynyń qarajatynan tólenedi. «Quny partııalyq tizimin usynǵan saıası partııanyń, máslıhat depýtattyǵyna kandıdattyń saılaý qorynan ózge qarajat esebinen tólengen kandıdattardyń úgit materıaldaryn jaryqqa shyǵa­rýǵa, efırden kórsetýge jol beril­meıdi», – dedi L.Súleımen. Jıynda buqaralyq aqparat quraldarynyń redaksııalary partııalar men kandıdattardyń saılaý naýqanyn shynaıy kórse­týdi júzege asyryp, BAQ-qa teń qol jetkizýdi qamtamasyz etýde mindetti ekeni atap ótildi. «Saılaý aldyndaǵy úgit kezeńin­de BAQ qyzmetin retteý – saılaý úderisiniń ashyqtyǵyn, jarııa­lylyǵyn jáne ádildigin qamtamasyz etýdiń mańyzdy bóligi bolyp tabylady», – dedi Ortsaılaýkom múshesi. Semınarda, sondaı-aq, In­ves­tısııalar jáne damý mınıstrligi Baılanys, aqparattandyrý jáne aqparat komıtetiniń tóraǵasy T.Qazanǵap ókiletti organnyń qyz­meti týraly aıta kelip, BAQ-tyń saılaý úderisindegi jáne qoǵamdy onyń barysy týra­ly aqparattandyrýdaǵy mańyz­dy róline toqtaldy. Al Bas prokýratýranyń Áleýmet­tik-ekonomıkalyq salanyń zań­dy­lyǵyn qadaǵalaý departamenttiń basshysynyń orynbasary N.Súıindikov úgit júrgizý naý­qanyn quqyqtyq retteý máse­lelerine nazar aýdardy. Jalpy, saılaý aldyndaǵy úgitti júrgizý quqyǵyna kedergi jasaǵany jáne buqaralyq aqpa­rat quraldary arqyly saılaý al­dyndaǵy úgitti júrgizý sharttaryn buzǵany úshin ákimshilik jaýapkershilik belgilengen. Al saılaý aldyndaǵy úgitti oǵan tyıym salynǵan kezeńde júrgizý ákimshilik jaýapkershilikke, dáli­rek aıtqanda, kandıdattardy tirkeýden bas tartý nemese tirkel­geni týraly sheshimdi joıýǵa ákep soq­tyrady. Pikir almasý bary­synda saılaý zańnamasy norma­larynyń saqtalýyn tıimdi qamta­masyz etý, buqaralyq aqparat quraldary ókilderi saılaý naý­qanyn nemese saılaý aldyndaǵy úgitti júrgizýdi jarııalaýda «Saı­laý týraly» Zańnyń talaptaryn bu­zýshylyqtardy aıqyndaý jáne bol­dyrmaý joldary men ádisterine basa mán berildi. Álısultan QULANBAI, «Egemen Qazaqstan». Sýretti túsirgen Vıktor FEDIýNIN.