Nurlybektiń úsh aıaqty buzaýy

Qurlyq aýylynyń turǵyny Nur­lybek Beıse­nov vahtalyq ádispen jumys isteıdi. Iаǵnı, bir aı boıy jumysta bolsa, bir aı demalady. Osydan bir aıdan astam ýaqyt buryn Nurlybek kezekti vahtaǵa attanǵanda onyń qorasyndaǵy buryn eki-úsh márte bu­zaýlaǵan sıyry taǵy da tóldeıdi. Osy bizdi bireýler «ań­ǵal qazaq» dese kádimgideı renjıtinimiz bar. Sol ań­ǵaldyq bul joly da qaı­talandy. Úıine kelgen soń Nurekeń týǵan sıyrdyń ja­nynda oınaqtap júrgen buzaýdyń aldyńǵy bir aıaǵynyń joq ekenin kór­gende aıra-jaıra kúı ke­shedi. Otbasy músheleri de buny qalaı baıqamaǵan? Kórshi-qolań da ań-tań. Osylaısha: «men de ań-tań, apam da ań-tańnyń» jalǵasy biraz jerge barypty. Bul búkil aýylǵa «sen­sasııalyq» jańalyq boldy. Qazir Nurlybektiń sıyry kezekti márte dúnıege ákelgen úsh aıaqty buzaýyn meıirlene jalap, erkeletedi eken. Al úsh aıaqty buzaý aldyńǵy bir aıaǵyna salmaq túse me, keıde mop-momaqan bolyp, bir ornynda demalyp turatynǵa uqsaıdy. Qurlyq aýylynyń úsh aıaqty bu­zaýyn tamashalaýshylar júdá kóp... Ahmetjan BERDIQUL. Ońtústik Qazaqstan oblysy, Saıram aýdany.