Tárbıe jemqorlyqtyń tamyryna balta shabady

Keshe Qaıyrbek Súleımenovtiń jetek­shilik etýimen «Nur Otan» partııasy janyndaǵy Sybaılas jemqorlyqqa qarsy is-qımyl jónindegi respýblıkalyq qoǵamdyq keńestiń aǵymdaǵy jylǵy alǵashqy otyrysy ótti. Onda Sybaılas jemqorlyqqa qarsy is-qımyl baǵdar­lamasyn júzege asyrý jónindegi 2015 jylǵy is-sharalar josparynyń oryndalý nátıjeleri talqylandy. Alqaly jıynda negizgi baıandamashydan bólek Bilim jáne ǵylym men Mádenıet jáne sport mınıstrlikteriniń, partııaǵa qarasty uıymdar men «Jas Otan» jastar qanatynyń ókilderi sóz alyp, taqyrypqa qatysty máseleler tóńireginde oı órbitti. Sondaı-aq, jemqorlyqtyń aldyn alýdaǵy memlekettik organdar men qoǵamdyq uıymdardyń belsendiligi, jastar uıymdarymen tárbıelik jumystardyń júrgizilý qarqyny da aıtyldy. Halyqtyń jemqorlyqqa qarsy mádenıetin qalyptastyrýǵa qatysty qol­ǵa alynǵan sharalarǵa tıisti baǵalar berildi. Otyrysta «Nur Otan» partııasy múshe­leriniń aldyna jemqorlyqtyń aldyn alý úrdisine dendeı qaraý, bastaýysh partııa uıymy, qoǵamdyq qurylymdar men partııanyń barlyq deńgeıindegi bólimder qyzmetin nyǵaıtý máseleleri kún tártibine shyǵaryldy. Oǵan qosa, jemqorlyqqa qarsy jańa zań qabyldaýdyń mańyzdylyǵyna, «100 naqty qadam» Ult Josparyn tıimdi túrde iske asyrýǵa, memlekettik organdar janynan qoǵamdyq keńester qurýǵa, partııa Tóraǵasy N.Nazarbaevtyń jemqorlyqqa qarsy memlekettik saıasatyna qatysty tapsyrmalaryn júzege asyrýǵa basa mán berildi. Nurlybek DOSYBAI, jýrnalıst.