Erlik eshqashan eskirmeıdi

Keshe Ekaterınbýrg qalasynda Keńes Odaǵynyń marshaly Grıgorıı Konstantınovıch Jýkovtyń eskertkishi janynda «Biz mıllıondaǵan panfılovshylarmyz» dep atalatyn eske alý vahtasyn tapsyrý rásimi bolyp ótti. Shara 1941 jyldyń qarasha aıynda Máskeý túbinde erlikpen qaza tapqan batyr-panfılovshylardyń erligine arnalǵan mıtıng sheńberinde uıymdastyryldy. Halyqaralyq eske alý vahtasy 2015 jyl­dyń qazan aıynda Orynbor qalasynda bas­taý alǵan edi. Sodan keıin tý Chelıabi men No­vo­sibirge jáne Almatyǵa atbasyn burdy. Almatyda tý Ekaterınbýrgke 316-shy atqysh­tar dıvızııasynyń aty ańyzǵa aınalǵan komandıri Ivan Vasılevıch Panfılovtyń nemere qyz­darynyń qolymen tapsyryldy. Ekaterınbýrg vahtaǵa qatysqan besinshi qalaǵa aınaldy. Al vahta ústimizdegi jyldyń kúzinde Qyzyl Armııanyń Máskeý túbinde qarsy shabýylǵa shyǵýynyń 75 jyldyǵyna oraı Máskeýde máresine jetedi. Rásimge Ýral federaldy okrýgi men Sverd­­­lov oblysynyń basshylary, Ortalyq áskerı okrýginiń basshylyǵy, dıplomatııalyq korpýstyń ókilderi, Qazaqstan men Ortalyq Azııa halyqtarynyń dıasporalary, ardagerler men qoǵamdyq uıymdar ókilderi, Ýral memlekettik pedagogıkalyq ýnıversıtetiniń «Stıks» izdeý jasaǵynyń músheleri qatysty. Shara sheńberinde «Reseıdiń izdeý qoz­ǵa­lysy» Jalpyreseılik qozǵalysy» Sverdlov óńirlik bólimshesiniń jetekshisi Tatıana Hardına 1919 jyly týǵan, Sverdlov ob­lysynyń Nıjne-Sergınsk aýdanynyń týmasy, habarsyz ketti dep eseptelip kelgen qatardaǵy jaýynger Petr Iаbekovtiń arhıvtik qujattary men soldat medalonyn onyń týystaryna tapsyrdy. Jaýyngerdiń múrdesin «Pobeda» izdeý jasaǵy Tver oblysynyń Rjev aýdanyndaǵy Solomıno derevnıasynan tapqan bolatyn. «Egemen-aqparat».