ASTANA. 17 aqpan. О́tken túnde ÝEFA Chempıondar lıgasynyń 1/8 fınaly sheńberinde eki oıyn oınaldy. Fransııanyń PSJ-sy Anglııanyń «Chelsıin» qabyldap, 2:1 esebimen jeńiske jetse, toptyq kezeńde «Astanamen» bir topta bolǵan Portýgalııanyń «Benfıkasy» óz alańynda Reseıdiń «Zenıtinen» 1:0 esebimen basym tústi. Bul týraly egemen.kz tilshisi habarlady.
PSJ (Parıj, Fransııa) – «Chelsı» (London, Anglııa) 2:1
Goldar: Zlatan Ibragımovıch 39, Edınson Kavanı 78 – Obı Mıkel 45+1.
Zlatan Ibragımovıch bastaǵan PSJ oıyn barysynda aǵylshyndardan aıtarlyqtaı basym boldy. Atap aıtqanda, 90 mınýtta PSJ fýtbolshylary qarsylastar qaqpasyna 17 soqqy jasasa, londondyqtardyń 7 soqqymen ǵana qarymta qaıtarýǵa shamalary jetti. Basqa da statıstıkalyq kórsetkishter boıynsha basym túsken Loran Blannyń shákirtteri zańdy jeńiske qol jetkizdi.
Kezdesýdiń esebi 39-mınýtta standartty jaǵdaıdan keıin ashyldy. Naqty aıtar bolsaq, aıyp soqqysyn oryndaǵan Ibragımovıch tamasha goldyń avtory atandy. Osy rette doptyń jol-jónekeı «Chelsı» oıynshysy Obı Mıkelge tıip, baǵytyn ózgertkenin atap ótken jón.
Birinshi taım túgesiler tusta, ıaǵnı 45-mınýtta Mıkel dál soqqysymen tarazy basyn teńestirgen edi. Alaıda, 79-mınýtta oıynǵa tyńnan qosylǵan Edınson Kavanı mergendigimen kózge túsip, komandasynyń jeńis golyn soqty.
«Benfıka» (Lıssabon, Portýgalııa) – «Zenıt» (Sankt-Peterbýrg, Reseı) 1:0
Gol: Jonas 90+1.
Portýgalııa astanasy – Lıssabon qalasynda ótken «Benfıka» – «Zenıt» matchynda oıyn taǵdyryn sońǵy mınýtta soǵylǵan jalǵyz gol sheshti. 90 mınýt boıy portýgaldardyń joıqyn shabýyldaryna tótep bergen reseılikter tóreshiniń negizgi ýaqytqa qosqan qosymsha mınýttarynda qaqpalaryna gol jiberip aldy. Goldyń avtory – «Benfıkanyń» shabýylshysy Jonas.
Bul komandalardyń qarymta kezdesýleri 9 naýryzda ótedi. Sol kúni «Chelsı» Londonda PSJ-ny qabyldasa, «Zenıt» Sankt-Peterbýrgte «Benfıkamen» shırek fınaldyń joldamasyn sarapqa salady.
Aıta keteıik, búgin túnde týrnırdiń atalǵan satysy aıasynda taǵy eki match ótedi. Belgııanyń «Gent» komandasy óz alańynda Germanııanyń «Volsbýrgimen» synǵa tússe, Italııanyń «Romasy» Rımde Ispanııanyń «Realymen» (Madrıd) kezdesedi. Bul oıyndar Astana ýaqytymen saǵat 01:45-te bastalady.
Elaman Qońyr.
Derek: egemen.kz.
Sýret: championat.com.
