Qyzylordada 139 shetel azamaty ákimshilik jaýapqa tartyldy

QYZYLORDA. 17 aqpan. 15-17 aqpan aralyǵynda oblys aýmaǵynda sheteldikterdiń quqyqtaryn saqtaı otyryp, olar tarapynan oryn alatyn zań buzýshylyqtardy der kezinde anyqtap, tıisti shara kórýge baǵyttalǵan «Mıgrant» jedel-profılaktıkalyq is-sharasy ótkizilýde. Bul týraly oblystyq ishki ister departamentine silteme jasaǵan egemen.kz habarlady. Osy is-sharaǵa OIID-niń 347 qyzmetkeri jumyldyrylyp, kóshi-qon zańnamalaryn buzý derekterin anyqtaý, olardy ákimshilik jaýapkershilikterge tartý maqsatynda sheteldikterdiń ýaqytsha tirkelgen meken-jaılary, salynyp jatqan qurylys nysandary, bazarlar men dámhanalar tekserilip, reıdtik is-sharalar júrgizildi. Nátıjesinde, sharanyń 1 kúninde sheteldiktiń nemese azamattyǵy joq adamnyń QR halyqtyń kóshi-qon salasyndaǵy zańnamasyn buzý deregi boıynsha (QR ÁQBtK-niń 517-baby) 139 shetel azamaty anyqtalyp, sheteldikterdi jáne azamattyǵy joq adamdardy qabyldaıtyn jeke nemese zańdy tulǵalardyń halyqtyń kóshi-qon salasyndaǵy zańnamasyn buzý deregi boıynsha 9 azamatqa, sheteldik jumys kúshin jáne eńbekshi kóship-kelýshilerdi QR zańnamasyn buza otyryp tartý, sheteldiktiń nemese azamattyǵy joq adamnyń QR eńbek qyzmetin zańsyz júzege asyrý deregi boıynsha eki azamatqa ákimshilik sharalar qoldanyldy. Shyǵaryp jiberý týraly sot sheshimin oryndamaǵan О́zbekstan Respýblıkasynyń bir azamatyna qatysty QR Qylmystyq kodeksiniń 393-baby boıynsha qylmystyq is qozǵalyp, taǵy eki azamatqa QR Azamattyq-prosessýaldyq kodeksiniń 382-baby boıynsha (sheteldikti nemese azamattyǵy joq adamdy QR-nyń zańnamasyn buzǵany úshin QR-nyń sheginen shyǵaryp jiberý) respýblıka aýmaǵynan alastatyldy. Sonymen qatar, is-shara barysynda jeke bastaryn anyqtaıtyn qujattary joq О́zbekstan Respýblıkasynyń 9 azamaty QIIB-nyń qabyldaý- taratý ornyna jatqyzyldy. Erjan Baıtiles. Derek, sýret: egemen.kz