QYZYLORDA. 17 aqpan. Qyzylorda oblysy ákimi Qyrymbek Kósherbaevtyń halyq aldynda esep berý kezdesýinde telekópir arqyly Aral aýdanynda polımer sehy iske qosyldy. Seh tehnıkalyq tuz óndirisin ulǵaıtý jobasynyń bir bóligi. Bul týraly egemen.kz tilshisi habarlady.
«Bizdiń basty maqsatymyz – egemen elimizdi, Syr elin damytýǵa, halqymyzdyń áleýmettik jaǵdaıyn jaqsartýǵa atsalysý. О́ndiristi ósirip, jańa jumys oryndaryn qurǵan osy polımer sehynyń qosylýy sol baǵyttaǵy úlken bir qadam. Búgin biz osy qýanyshty aýdan halqymen jáne ózderińizben bóliskenimizge qýanyshtymyz», dedi telekópir arqyly baılanysqa shyqqan «Araltuz» AQ prezıdenti Aıdynbek Taýasarov.
Indýstrııalyq-ınnovasııalyq damýdyń memlekettik baǵdarlamasy aıasynda Aral aýdanynda «tehnıkalyq tuz óndirisin ulǵaıtý» jobasy iske asyp otyr. Jobaǵa eki jarym mıllıard teńgeniń ústinde ınvestısııa salyndy jáne dúnıejúzi boıynsha tuz óndirýge arnalǵan eń jaqsy, ıspanııalyq («Construcciones Mecanicas J.SERRA, S.A.») qural-jabdyq alyndy.
Buǵan deıin zaýyt ónimdiligi jylyna 120,0 myń. tonna bolsa, jańa zaýytty iske qosý arqyly ónimdilikti 1,7 esege ulǵaıtýǵa múmkindik aldy. Buryn «Aral tuz» ishki naryqta as tuzynyń 70 paıyzyn qamtysa, jańa zaýytty iske qosý arqyly ol úles 90 paıyzǵa deıin jetti. Sáıkesinshe, syrtqy naryqtaǵy úles te ulǵaıýda. Jańadan 300-den astam jumys ornyn qurý kózdelgen, qazir sonyń 150-ýi qurylyp, zaýytta barlyǵy 800-den asa jumysshy qyzmet atqarýda.
Sonymen birge, kásiporyn hımııa ónerkásibin damytý maqsatynda quny 220 mln. dollar quraıtyn kalsıılendirilgen soda jáne kir jýǵysh untaq shyǵarý jobalaryn josparlaýda.
Erjan Baıtiles.
Derek, sýret: egemen.kz
