QYZYLORDA. 17 aqpan. Qyzylorda oblysynda sportty damytý maqsatynda jańa nysandardyń qatary artyp keledi. Bul týraly Qyzylorda oblysynyń ákimi Qyrymbek Kósherbaevtyń halyq aldynda esep bergen kezde aıtqan aqpary boıynsha egemen.kz tilshisi habarlady.
О́tken jyldyń ózinde ıppodrom, «Boks» ortalyǵy, Qazaly aýdanyndaǵy Áıteke bı, Jańaqorǵan aýdany Jańaqorǵan kentinde sporttyq-saýyqtyrý keshenderi men Syrdarııa aýdanyndaǵy N.Ilııasov eldi mekenindegi stadıon paıdalanýǵa berildi. Nátıjesinde sportpen turaqty shuǵyldanýshylardyń sany 25,3 paıyzǵa jetti.
66 sportshyǵa, onyń ishinde 10 múgedek sportshyǵa stıpendııa tóleý úshin oblystyq bıýdjetten 69,5 mln. teńge bólindi.
О́tken jyly joǵarǵy sheberlik deńgeıindegi sportshylardy daıyndaý maqsatynda 227 oqý-sporttyq jıyndar ótkizilip, oǵan 2417 sportshy qatysty. 278 halyqaralyq, respýblıkalyq jarystarǵa oblystyń 2468 sportshysy qatysty. Qazaqstan chempıonattarynda oblys sportshylary 165 altyn, 138 kúmis jáne 221 qola medaldardy ıelense, Azııa jáne álem chempıonattarynda 23 altyn, 11 kúmis, 19 qola medaldy jeńip aldy. Qazaqstannyń ulttyq qurama komandalaryna oblystyń 306 sportshysy kirdi.
Erjan Baıtiles.
Derek, sýret: egemen.kz
