Qyzylorda oblysynda baspana kezegindegilerdiń sany 17 paıyzǵa azaıdy

QYZYLORDA. 17 aqpan. О́tken jyly oblysta 460 myń sharshy metr turǵyn úı berildi. Bul týraly Qyzylorda oblysynyń ákimi Qyrymbek Kósherbaevtyń halyq aldynda esep bergen kezde aıtqan aqpary boıynsha egemen.kz tilshisi habarlady. Bul 2014 jylmen salystyrǵanda 1,5 esege artyq. Memleket qarjysy esebinen salynǵan turǵyn úı kólemi 3,5 esege, al Qyzylorda qalasyndaǵy turǵyn úı qurylysy – 8 esege ósti, páterge kezekke turǵandar sany 17 paıyzǵa azaıdy.  2015 jyly oblysta jalpy sany 4 myń 227 páter salyndy.  Jalpy, О́ńirlerdi damytý baǵdarlamasy sheńberinde 2015 jyly tek memleket qarajaty esebinen 138,8 myń sharshy metr turǵyn úı, atap aıtsaq 1740 páterli 42 úı paıdalanýǵa berildi. Oǵan qosa, túrli qarjy kózderinen záýlim úıler turǵyzylsa, jalpy aýmaǵy 357 myń sharshy metr 2345 jeke turǵyn úı salyndy. «Sońǵy úsh jylda Qyzylorda oblysynda 8901 páter salynyp, tapsyryldy. Bul – jyldar boıy jeke baspana kútken, asyl armandaryna jetip, qonys toıyn toılaǵan otbasynyń sany. Biz osy qarqyndy bıyl da saqtap qalý úshin «Qazaqstan ıpotekalyq kompanııasy», «Samruq-Qazyna» jyljymaıtyn múlik qory» jáne «Turǵyn Úı Qurylysy Jınaq Bankimen» qoıan-qoltyq jumys isteımiz. Buıyrtsa, bıyl da byltyrǵydan kem emes kólemde qurylys júredi», dedi oblys ákimi Qyrymbek Kósherbaev. «Qazaqstan Ipotekalyq Kompanııasy» ıpotekalyq uıymy» arqyly «SPMK-70» móltek aýdanynda 270 páterlik 5 turǵyn úıdiń, «Samuryq Qazyna» jyljymaıtyn múlik qorynyń baǵdarlamasy sheńberinde Shúkirov kóshesinde 210 páterlik 6 turǵyn úı jáne Qyzylorda qalasy Tıtov kentinde jas otbasylarǵa 180 páterlik 3 turǵyn úı qurylysy bastaldy. Osy 14 úıdiń qurylysy bıyl aıaqtalady. Erjan Baıtiles. Derek, sýret: egemen.kz