Aqtaýda jol apaty saldarynan bir kólik ekinshisin basyp qaldy

AQTAÝ. 17 aqpan. Aqtaýda Toyota Camry kóligi Volkswagen Jetta kóligin basyp qaldy. Bul týraly lada.kz saıtyna silteme jasaǵan egemen.kz tilshisi habarlady. Jol-kólik oqıǵasy 16 aqpan kúni tús aýa Aqtaý qalasynyń 12 jáne 13-shaǵyn aýdandary aralyǵynda bolǵan. Kýágerlerdiń aıtýynsha, Volkswagen Jetta kóliginiń júrgizýshisi jaıaý júrginshiler joly mańyna toqtaǵan. Osy kezde onyń sońynan kele jatqan Toyota Camry kóligi kútpegen manevr jasap, Volkswagen-niń ústine shyǵyp ketedi. Naqty aıtqanda, artqy kóliktiń jolaýshylar jaǵyndaǵy aldyńǵy dóńgelegi aldyńǵy kóliktiń júrgizýshi jaq terezesinen salonǵa kirip ketedi. Oqıǵa saldarynan japa shekkender bolmaǵan jáne oqıǵa ornyna úsh arnaıy jol-patrýldik polısııasy kólikteri kelip jetken. Jol-patrýldik polısııasy qyzmetkerleriniń habarlaýynsha, oqıǵanyń shemasy qurylyp, Toyota Camry kóliginiń júrgizýshisine hattama toltyrylǵan. Gúlaıym Shyntemirqyzy. Derek, sýret: lada.kz.