Bıýlletender sany bekitildi

Ortalyq saılaý komıssııasynyń keshegi otyrysynda OSK Parlament Májilisiniń partııalyq tizimder boıynsha saılanatyn depýtattaryn saılaýda saıası partııalarǵa daýys berýge arnalǵan saılaý bıýlleteniniń mátinin bekitti jáne saılaýdy baıqaý jónindegi EQYU/DIAQB mıssııasynyń taǵy 28 baıqaýshysyn akkredıttedi. Birinshi másele boıynsha qujat jobasymen Ortalyq saılaý komıssııasy tóraǵasynyń orynbasary Vladımır Foos tanystyrdy. Onyń atap ótýinshe, «Qazaqstan Respýblıkasyndaǵy saılaý týraly» Qazaqstan Respýblıkasynyń 1995 jylǵy 28 qyrkúıektegi Kons­tıtýsııalyq zańynyń 12, 24 já­ne 37-baptaryna sáıkes QR OSK 2016 jylǵy 1 qańtardaǵy jaǵ­daı boıynsha saılaý komıssııa­laryna usynylǵan saılaýshylar týraly málimetterge saı daıyn­dalýǵa jáne saılaý ýchaske­lerine jetkizilýge tıis saılaý bıýlletenderiniń sany Qazaq­stan Respýblıkasyndaǵy saılaý­shylardyń jalpy sanynyń 1 paıyzy rezervin qossa mynadaı bolatynyn belgiledi: birinshi – Qazaqstan Respýblıkasy Parlamenti Má­ji­lisi depýtattarynyń kezekten tys saılaýy boıynsha – 9889075 dana; ekinshi – Qazaqstan Respýblıkasy máslıhattary depýtattarynyń ke­zekti saılaýy boıynsha – 18321969 dana. Qujat jobasy Komıssııa mú­she­lerinen qoldaý tapqan soń, «2016 jyl­ǵy 20 naýryzǵa taǵaıyn­dalǵan Parlament Májilisi depý­tat­tarynyń kezekten tys saılaýy boıynsha saıası partııalarǵa jáne máslıhattary depýtattarynyń ke­zek­ti saılaýy boıynsha daýys be­rýge arnalǵan saılaý bıýlleten­deri týraly» qaýly qabyldandy. Otyrysta, sondaı-aq, Ortsaı­laýkom saıası partııalarǵa daýys berýge arnalǵan saılaý bıýl­le­teniniń mátinin bekitip, saılaý bıýl­letenderiniń qorǵalý dárejesin belgiledi. Oblystyq, Astana jáne Almaty qalalyq saılaý komıssııalary saılaý bıýlletenderin saılaý ýchaskelerine ýaqtyly jetkizýdi qamtamasyz etýi tıis. Otyrys barysynda OSK ekinshi másele – «2016 jylǵy 20 naýryzǵa taǵaıyndalǵan Parlament Má­ji­lisi depýtattarynyń kezekten tys saılaýyna jáne máslıhattar depýtattarynyń kezekti saılaýy­na halyqaralyq uıymnyń baı­qaý­shylaryn akkredıtteý týraly» qaýlyny da qabyldady. Atalǵan qaýlyǵa sáıkes Ortsaılaýkom Qazaqstan Syrtqy ister mınıstr­liginiń usynýy boıynsha saılaý­dy baıqaý jónindegi EQYU/DIAQB mıssııasynyń taǵy 28 baıqaýshysyn akkredıttedi. Ort­saılaýkom shet memleketter men halyqaralyq uıymdardyń baı­qaýshylaryn akkredıtteýdi 2016 jylǵy 14 naýryzǵa deıin júzege asyrady. Álısultan QULANBAI, «Egemen Qazaqstan».