Ekaterınbýrg qalasynda maıdangerlerdi eske alý rásimi ótti

ALMATY. 18 aqpan. Reseıdiń Ekaterınbýrg qalasynda Keńes odaǵynyń marshaly Georgıı Jýkovtyń eskertkishi aldynda «Biz panfılovshylarmyz – mıllıonbyz!» atty zerde vahtasynyń rásimi ótti. Bul týraly Syrtqy ister mınıstrliginiń baspasóz qyzmetine silteme jasaǵan egemen.kz tilshisi habarlady. Is-shara 1941 jyldyń qarasha aıynda Máskeý mańynda qaza tapqan batyr-panfılovshylardyń erligine arnaldy. Halyqaralyq zerde vahtasy 2015 jyly qazan aıynda Orynbor qalasynda bastalǵan. Eskertkish tý buǵan deıin Chelıabi, Novosibir jáne Almaty qalalarynda boldy. Ardagerlerge arnalǵan patrıottyq ıgi shara qan maıdandaǵy qyzyl áskerlerdiń alǵashqy qarsy shabýylynyń 75 jyldyǵyna oraı, 2016 jyldyń qazan aıynda Máskeý qalasynda aıaqtalady. Ekaterınbýrg qalasynda kezek boıynsha besinshi ret ótkizilip turǵan sharaǵa  oblys basshylyǵy, áskerıler, dıplomattar, Ortalyq Azııa memleketteriniń ókilderi, ardagerler men qoǵamdyq uıymdar, Oral memlekettik pedagogıkalyq ýnıversıtetiniń «Stıks» zertteý jasaǵy qatysty. Talǵat Súıinbaı. Derek, sýret: Syrqy ister mınıstrliginiń baspasóz qyzmeti.