Germanııada qazaqstandyq kompozıtor jeke konsertin berdi

ALMATY. 17 aqpan. Germanııanyń Mıýnster qalasynda ótip jatqan Klang Zeit Münster halyqaralyq klassıkalyq mýzyka festıvalinde 17 jastaǵy qazaq kompozıtory ári pıanınoshy Rahat-bı Ábdisaǵın jeke konsert qoıdy. Bul týraly egemen.kz tilshisi habarlady. Álemge tanymal festıval tarıhynda tuńǵysh ret Qazaqstan ókili óner kórsetip, jas kompozıtor Painting in sounds («Áýendegi sýret») atty óziniń tól shyǵarmasyn oryndady. Osylaısha, qazaqstandyq jas talanttyń kompozısııasy qazirgi zamanǵy Mııako Kýbo, Djeffrı Chıng, Gıýnter Beker sııaqty tanymal kompozıtorlardyń shyǵarmalarymen qatar oryndaldy. Klassıkalyq mýzykanyń halyqaralyq synshylary men nemis kórermenderi Rahat-Bı Ábdisaǵınniń shyǵarmasyna jáne mýzykalyq kompozısııanyń oryndalý sheberligine joǵary baǵa berip, qazaqstandyq klassıkalyq mýzyka mektebiniń ókilderiniń jetistigine dýyldata qol soqty. Mıýnsterde Klang Zeit Münster halyqaralyq toǵyzynshy klassıkalyq mýzyka festıvaliniń bıylǵy basty jańalyǵy – Rahat-Bı Ábdisaǵınniń jeke konserti bolǵany daýsyz. Talǵat Súıinbaı. Derek, sýret: egemen.kz.