Túrkııada terrorlyq áreket saldarynan 28 adam qaza tapty

ASTANA. 18 aqpan. О́tken túnde Túrkııa astanasy – Ankara qalasynda jarylys bolyp, 28 adam qaza tapty. Lańkestik oqıǵa qalanyń ortalyq aýdanynda ornalasqan áskerı jataqhananyń mańaıynda bolǵan. Bul týraly TASS aqparat agenttigine silteme jasaǵan egemen.kz tilshisi habarlady. Sońymen qatar, jarylys bolǵan aýdanda Túrkııanyń áskerı áýe kúshteri jáne áskerı teńiz kúshteri qolbasshylyǵynyń ǵımaraty ornalasqan. Odan bólek, oqıǵa ornynan 100-300 metr jerde Bas shtab, Ishki ister mınıstrligi jáne Parlament ǵımaraty bar. Aldyn ala belgili bolǵan derekterge qaraǵanda, baǵdarshamǵa toqtaǵan Túrkııa Qarýly kúshteriniń qyzmettik avtobýsy janynda mına qoıylǵan avtokólik jarylǵan. Bul kezde avtobýsta qyzmetterinen jataqhanaǵa qaıtyp kele jatqan sarbazdar men ofıserler bolǵan. Túrkııanyń Bas shtaby osy oqıǵaǵa baılanysty el astanasynda áskerı qyzmetshilerge terrorlyq shabýyl jasalǵanyn málimdedi. Sonyń saldarynan 28 adam qaza tapsa, 61-i jaraqat aldy. Elaman Qońyr. Derek: TASS. Sýret: EPA.