Qazaqstan Respýblıkasy Úkimetiniń qaýlysy №78

2016 jylǵy 18 aqpan,   Astana, Úkimet Úıi Quqyq qorǵaý organdarynyń qyzmetkerlerine jáne olarmen birge turatyn otbasy múshelerine, zeınetkerlerine, sondaı-aq qyzmettik mindetterin atqarý kezinde qaza tapqan qyzmetkerlerdiń balalaryna olar kámelettik jasqa tolǵanǵa deıin tıisti memlekettik densaýlyq saqtaý uıymdarynda medısınalyq jáne sanatorıı-kýrorttyq qyzmet kórsetý qaǵıdalaryn bekitý týraly «Quqyq qorǵaý qyzmeti týraly» 2011 jylǵy 6 qańtardaǵy Qazaqstan Respýblıkasynyń Zańyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Quqyq qorǵaý organdarynyń qyzmetkerlerine jáne olarmen birge turatyn otbasy múshelerine, zeınetkerlerine, sondaı-aq qyzmettik mindetterin atqarý kezinde qaza tapqan qyzmetkerlerdiń balalaryna olar kámelettik jasqa tolǵanǵa deıin tıisti memlekettik densaýlyq saqtaý uıymdarynda medısınalyq jáne sanatorıı-kýrorttyq qyzmet kórsetý qaǵıdalary bekitilsin. 2. Osy qaýlyǵa qosymshaǵa sáıkes Qazaqstan Respýblıkasy Úkimetiniń keıbir sheshimderiniń kúshi joıyldy dep tanylsyn. 3. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınnstri K.MÁSIMOV. Qazaqstan Respýblıkasy Úkimetiniń 2016 jylǵy  18 aqpandaǵy №78 qaýlysymen bekitilgen Quqyq qorǵaý organdarynyń qyzmetkerlerine jáne olarmen birge týratyn otbasy múshelerine, zeınetkerlerine, sondaı-aq qyzmettik mindetterin atqarý kezinde qaza tapqan qyzmetkerlerdiń balalaryna olar kámelettik jasqa tolǵanǵa deıin tıisti memlekettik densaýlyq saqtaý uıymdarynda medısınalyq jáne sanatorıı-kýrorttyq qyzmet kórsetý qaǵıdalary 1. Jalpy erejeler 1. Osy Quqyq qorǵaý organdarynyń qyzmetkerlerine jáne olarmen birge turatyn otbasy múshelerine, zeınetkerlerine, sondaı-aq qyzmettik mindetterin atqarý kezinde qaza tapqan qyzmetkerlerdiń balalaryna olar kámelettik jasqa tolǵanǵa deıin tıisti memlekettik densaýlyq saqtaý uıymdarynda medısınalyq jáne sanatorıı-kýrorttyq qyzmet kórsetý qaǵıdalary (budan ári – Qaǵıdalar) «Quqyq qorǵaý qyzmeti týraly» 2011 jylǵy 6 qańtardaǵy Qazaqstan Respýblıkasynyń Zańyna sáıkes ázirlendi. Qaǵıdalar quqyq qorǵaý organdarynyń jáne memlekettik feldegerlik qyzmet qyzmetkerlerine, olarmen birge turatyn otbasy múshelerine, zeınetkerlerine jáne kórsetilgen organdardyń qyzmettik mindetterin atqarý kezinde qaza tapqan qyzmetkerleriniń balalaryna (budan ári – kontıngent) medısınalyq jáne sanatorıı-kýrorttyq qyzmet kórsetý tártibin aıqyndaıdy. Qaǵıdalardyń medısınalyq qyzmet kórsetý Qazaqstan Respýblıkasy Prezıdentiniń Is basqarmasynyń medısınalyq uıymdarynda Qazaqstan Respýblıkasynyń zańnamaǵa sáıkes júzege asyrylatyn quqyq qorǵaý organdarynyń qyzmetkerlerine, olardyń otbasy múshelerine jáne zeınetkerlerine qoldanylmaıdy. 2. Qaǵıdalarda qyzmetkerleriniń otbasy músheleri dep: jubaıy (zaıyby), ekeýiniń nemese erli-zaıyptylardyń bireýiniń kámeletke tolmaǵan balalary (asyrap alǵan, asyraýyndaǵy nemese qamqorshylyǵyndaǵy); balalary (asyrap alǵan, asyraýyndaǵy nemese qamqorshylyǵyndaǵy) jáne jubaıynyń (zaıybynyń) bilim berý uıymdarynda kúndizgi oqý nysanynda oqıtyn jıyrma úsh jasqa deıingi balalary; múgedek balalar (asyrap alǵan, asyraýyndaǵy nemese qamqorshylyǵyndaǵy) jáne jubaıynyń (zaıybynyń) on segiz jasqa deıin múgedek bolǵan múgedek balalary; qyzmetkerdiń asyraýyndaǵy ata-analary jáne jubaıynyń (zaıybynyń) ata-analary túsiniledi. Qyzmettik mindetterin atqarý kezinde qaza tapqan qyzmetkerdiń balalaryna, olar kámelettik jasqa tolǵanǵa deıin Qazaqstan Respýblıkasy Ishki ister mınıstrliginiń medısınalyq uıymdarynda medısınalyq jáne sanatorıı-kýrorttyq qyzmet kórsetý quqyǵy saqtalady. 3. Kontıngentke medısınalyq jáne sanatorıı-kýrorttyq qyzmet kórsetý Qazaqstan Respýblıkasy Ishki ister mınıstrliginiń medısınalyq uıymdarynda (budan ári – vedomstvolyq medısınalyq uıymdar) júzege asyrylady. 4. Qyzmetin ótkerip jatqan jerde nemese turǵylyqty jeri boıynsha vedomstvolyq medısınalyq uıymdar bolmaǵan nemese vedomstvolyq medısınalyq uıymdarda tıisti bólimsheler, mamandar ne arnaıy jabdyqtar bolmaǵan jaǵdaıda, medısınalyq kómekti tegin medısınalyq kómektiń kepildik berilgen kólemi sheńberinde densaýlyq saqtaý sýbektileri kórsetedi. 2. Medısınalyq qyzmet kórsetýdi uıymdastyrý 5. Vedomstvolyq medısınalyq uıymdar medısınalyq kómekti: 1) ambýlatorlyq-emhanalyq kómek: medısınalyq-sanıtarııalyq alǵashqy kómek jáne konsýltasııalyq-dıagnostıkalyq kómek; 2) stasıonarlyq kómek; 3) stasıonardy almastyratyn kómek nysandarynda kórsetedi. Pasıentti kontıngent qatarynan densaýlyq saqtaý salasyndaǵy ýákiletti organnyń qaramaǵyndaǵy mamandandyrylǵan stasıonarǵa, ǵylymı-zertteý uıymdaryna zertteý jáne emdeý úshin aýystyrý qajettigi týyndaǵan kezde, mundaı aýystyrý Qazaqstan Respýblıkasynyń densaýlyq saqtaý salasyndaǵy zańnamasyna sáıkes júzege asyrylady. Adamdardy shet elge emdeýge jiberý Qazaqstan Respýblıkasynyń densaýlyq saqtaý salasyndaǵy zańnamasyna sáıkes júzege asyrylady. 6. Vedomstvolyq medısınalyq uıymdardyń stasıonarlarynda dári- dármekpen qamtamasyz etý densaýlyq saqtaý salasyndaǵy ýákiletti organ bekitken Qazaqstandyq ulttyq dárilik formýlıarǵa sáıkes tegin kórsetiledi. 7. Vedomstvolyq medısınalyq uıymdarda kontıngentke medısınalyq kómek densaýlyq saqtaý salasyndaǵy standartqa sáıkes kórsetiledi. 8. Astana jáne Almaty qalalarynan tys jerlerde turatyn kontıngentke konsýltasııa berý jáne Astana jáne Almaty qalalarynda ornalasqan respýblıkalyq vedomstvolyq medısınalyq uıymdarǵa emdeýge jatqyzý Qazaqstan Respýblıkasy Ishki ister mınıstrliginiń Tyl departamenti Medısınalyq basqarmasynyń joldamasy boıynsha júzege asyrylady. Astana jáne Almaty qalalarynda ornalasqan respýblıkalyq vedomstvolyq medısınalyq uıymdarǵa konıtıngentti jiberý tártibin Qazaqstan Respýblıkasy Ishki ister mınıstrligi belgileıdi. 9. Medısınalyq kómek alý úshin bekitilgen kontıngentti resimdeýdi vedomstvolyq medısınalyq uıymdar quqyq qorǵaý organdarynyń kadr qyzmetteri usynǵan kontıngenttiń tizimderi negizinde júrgizedi. Vedomstvolyq medısınalyq uıymǵa bekitý jeke basty kýálandyratyn qujat (qyzmetkerdiń qyzmettik kýáligi, qyzmetkerdiń, onyń ishinde qyzmettik mindetterin atqarý kezinde qaza tapqan qyzmetkerdiń, otbasy músheleri úshin týý týraly kýálik, jeke kýálik, zeınetaqy kýáligi) negizinde medısınalyq uıymnyń jumys kestesine sáıkes kez kelgen kúntizbelik ýaqytta júzege asyrylady. Árbir bekitilgen adamǵa ambýlatorlyq pasıent kartasy resimdeledi, ol ambýlatorlyq-emhanalyq bólimsheniń tirkeý bóliminde saqtalady. 3. Sanatorıı-kýrorttyq qyzmet kórsetý 10. Kontıngentke Qazaqstan Respýblıkasynyń densaýlyq saqtaý salasyndaǵy zańnamasynda jáne Qazaqstan Respýblıkasynyń eńbek zańnamasynda belgilengen tártippen sanatorıı-kýrorttyq emdelýge joldamalar beriledi. 11. Sanatorıı-kýrorttyq emdelýge jiberý kezinde densaýlyq saqtaý salasyndaǵy ýákiletti organ bekitken nysan boıynsha medısınalyq qujattama resimdeledi. 12. Qyzmettik mindetterin oryndaý kezinde mertikken (jaralanǵan, jaraqat, kontýzııa alǵan) qyzmetker emdelgennen keıin ishki ister organdarynyń sanatorıı-irikteý komıssııalarynyń sheshimi boıynsha bıýdjet qarajaty esebinen sanatorıı-kýrorttyq emdelýge jiberiledi. 13. Ishki ister organdarynyń sanatorıı-irikteý komıssııalary týraly erejeni quqyq qorǵaý organdarymen kelisý boıynsha Qazaqstan Respýblıkasy Ishki ister mınıstrligi bekitedi. Qazaqstan Respýblıkasy Úkimetiniń 2016 jylǵy 18  aqpandaǵy №78 qaýlysyna qosymsha Qazaqstan Respýblıkasy Úkimetiniń kúshi joıylǵan keıbir sheshimderiniń tizbesi 1. «Ishki ister organdarynyń qyzmetkerlerine jáne olarmen birge turatyn otbasy múshelerine, sondaı-aq ishki ister organdarynyń zeınetkerlerine medısınalyq jáne sanatorlyq-kýrorttyq qyzmet kórsetý tártibin bekitý týraly» Qazaqstan Respýblıkasy Úkimetiniń 2002 jylǵy 16 qańtardaǵy № 53 qaýlysy. 2. «Qazaqstan Respýblıkasy Úkimetiniń 2002 jylǵy 16 qańtardaǵy № 53 qaýlysyna tolyqtyrý engizý týraly» Qazaqstan Respýblıkasy Úkimetiniń 2005 jylǵy 13 shildedegi №724 qaýlysy (Qazaqstan Respýblıkasynyń PÚAJ-y, 2005 j., № 29, 370-qujat). 3. «Qazaqstan Respýblıkasy Úkimetiniń 2002 jylǵy 16 qańtardaǵy №53 qaýlysyna ózgerister men tolyqtyrýlar engizý týraly» Qazaqstan Respýblıkasy Úkimetiniń 2009 jylǵy 30 qańtardaǵy №85 qaýlysy (Qazaqstan Respýblıkasynyń PÚAJ-y, 2009 j., № 8, 32-qujat).