Qytaıda kók tútinnen arylý úshin jeldetkishter ornatylady

ASTANA. 21 aqpan. Qytaı astanasy Beıjiń qalasynda kók tútinnen arylý úshin arnaıy jeldetkishter ornatylady. Bul týraly bnews.kz saıtyna silteme jasaǵan egemen.kz tilshisi habarlady. «Arnaıy qoıylǵan jeldetkish dálizderi qaladaǵy tútin men shań-tozańnan qutylýǵa septigin tıgizedi degen oıdamyz», – deıdi Beıjińniń qala qurylysy komıteti basshysynyń orynbasary Van Feı. Onyń aıtýynsha, jeldetkishtiń uzyndyǵy 80 metrge deıin sozylýy múmkin. Qala ishindegi saıabaqtar, sý qoımalary sııaqty birneshe oryndar bir-birimen baılanystyra ornatylady.Beıjiń qalasynyń ekologııasyn jaqsartý maqsatynda bılik ókilderi 16,5 mıllıard ıýan (2,5 mıllıard ) qarjy jumsaýdy josparlady. Aıta keteıik, Aspanasty eliniń bas qalasy men soltústik óńirindegi birneshe eldi-mekenderde ótken jyly densaýlyqqa qaýipti sanalatyn aýanyń lastanýy arnaıy qoıylǵan mólsherden birneshe márte asyp ketken. Osynyń saldarynan birneshe jol-kólik oqıǵalary bolyp, turǵyndar arnaıy betperde kııýlerine týra keldi. Qala mańyndaǵy birneshe kásiporyndar ýaqytsha óz jumystaryn toqtatty. Aıan Ábdýálı. Derek, sýret: bnews.kz.