ASTANA. 22 aqpan. Germanııanyń «Volfsbýrg» fýtbol komandasynyń basshylyǵy osy klýb pen Danııa quramasynyń oıynshysy Nıklas Bendtnerge Mercedes kóliginiń qasynda sýretke túskeni úshin aıyppul saldy. Bul týraly eurosport.ru portalyna silteme jasaǵan egemen.kz tilshisi habarlady.
Dat fýtbolshysy óziniń jeke S klasty Mercedes kóliginiń qasynda sýretke túsip, ony Instagram áleýmettik jelisindegi paraqshasyna salǵan. Tipti, sýrettiń astyna «Jattyǵýǵa bara jatyrmyn» dep jazyp ta qoıǵan eken.
Sportshynyń bul áreketi «Volfsbýrg» komandasynyń talaptaryna qaıshy bolyp sanalady. Sebebi, klýbtyń barlyq qyzmetkerine taǵy bir nemis avtokonserni Volkswagen-niń kólikterinen basqa kóliktermen jurt kózine túsýge tyıym salynǵan. Al Volkswagen konserni osy klýbtyń resmı demeýshisi ekendigi belgili.
«Volfsbýrgtiń» sport isteri jónindegi dırektory Klaýs Allofs fýtbolshyǵa aıyppuldyń salynǵanyn rastady. Alaıda, ol onyń kólemi týraly naqty málimet bergen joq.
Aıta keteıik, bıylǵy maýsymda Bendtner «Volfsbýrg» sapynda 21 ret alańǵa shyǵyp, 4 gol soqty.
Elaman Qońyr.
Derek: eurosport.ru.
Sýret: sport-xl.org.
