QARAǴANDY. 22 aqpan. Qaraǵandy qalasynda Teatralnaıa degen kóshege Uly Otan soǵysynyń ardageri Tıyshbek Ahanovtyń esimin berý týraly másele qaralyp jatyr. Bul týraly nv.kz saıtyna silteme jasaǵan egemen.kz tilshisi habarlady.
Tıyshbek Ahanov Ekinshi dúnıejúzilik soǵysynda ortalyq maıdandaǵy 953 atqyshtar polkiniń quramynda nemis-fashıst basqynshylaryna qarsy erlikpen soǵysqan. Beıbit zamanda basshy qyzmetter atqaryp, eline eńbegi sińgen tulǵa, qoǵam qaıratkeri.
Jalpy, Qazaqstanda 2015 jyldan beri kóshe, aýdan, yqsham aýdan, eldi mekenderdiń basqa da bólikteriniń ataýlaryn ózgertýge marotorıı jarııalanǵan bolatyn. Bul jerde tek Uly Otan soǵysy ardagerleriniń esimderin berýge ǵana ruqsat etilgen. Mundaı bastamany bılik oryndary byltyr – Uly Jeńistiń 70 jyldyq mereıtoıyn atap ótkende qoldaǵan bolatyn.
Kóshe ataýyn ózgertý týraly jarııa tyńdalym 24 aqpan kúni ótedi.
Qaırat Ábildınov.
Derek, sýret: nv.kz.
.
