Jyr alyby týraly jańa fılm

Aptanyń sońy, aqpannyń aıa­ǵy – jyr alyby Jambyl Jabaevtyń týǵan kúni. Osyǵan oraı, keshe «Qa­zaqstan» Ulttyq arnasynyń tapsyrysymen daıyndalyp, aqynnyń 170 jyldyǵyna arnalǵan «Jambyl» serıalynyń premerasy ótti. – Jambyl – sarqylmaıtyn ta­qyryp. Bul babamyz týraly qan­shama ǵylymı, ádebı, tarıhı eńbekter ja­zylsa da kóptik etpeıdi. Aqyn ómir­den ótkennen keıin biz onyń sarqylmas mol murasynyń baǵasyna jete aldyq pa? Mine, osy máseleler búgingi ádebıet zert­teýshilerin tol­ǵandyrýy kerek. Jambyldan úırený, Jambylmen ishteı syrlasý, onyń rýhyn seziný – biz úshin mańyzdy. О́ıtkeni, ol – oı alyby, sóz zergeri.   Kezinde Jambyl – Alataý, Jambyl – Gımalaı degen teńeýler bolǵan. Bunyń barlyǵy jaıdan-jaı aıtylǵan pikirler emes. Olarda úlken mán bar. Sondyqtan, uly jyraý – sarqylmas qazynamyz. Ol – rýhanı bıiktik, rýhanı tereńdik», – dep aǵynan jaryldy memleket jáne qoǵam qaıratkeri Qýanysh Sultanov. Bul fılmde basty rólde teatr men kıno akteri Baıǵalı Esena­lıev oınaıdy. Al kúıshi Dına Nur­pe­ıi­so­­vany elimizge belgili óner sheberi Aı­gúl Úlkenbaeva beınelese, ataqty ánshi Kúlásh Baıseıitovany Áıgerim Ýaljanova somdaǵan. Teleserıaldyń negizgi kórinisteri tabıǵaty ásem Almaty oblysynyń Úshqońyr baýraıynda, Jambyl oblysynda túsirildi. Fılmde tarıhı tulǵanyń ómirbaıany ǵana emes, HH ǵasyrdyń ózi ómir súrgen tusyndaǵy el jaǵdaıy da sýrettelgen. Sonymen qosa, buǵan deıin kóp aıtyla qoı­maǵan, aqyn ómirinen alynǵan qy­zyqty derekter de kórsetiledi. So­nyń biri – Jam­byl men Burymnyń bir-birine degen mahabbaty. Túsirilim toby dekorasııalarǵa, akterlerdiń kos­tıýmy men obrazdaryna basa nazar aýdarǵan. Sol arqyly Jambyl ómir súrgen dáýirdiń tolyqtaı shyndyǵyn kórsetýge tyrysqan. Astanadaǵy «Qazmedıa orta­lyǵynda» ótken fılm premerasynda belgili memleket jáne qoǵam qaıratkeri О́mirbek Baıgeldı, tanymal kınorejısser Slambek Táýekel sóz sóılep, jańa lentanyń jaqsy qa­sıetteri jaıynda jyly lebizderin bildirdi. Raýan QAIDAR, «Egemen Qazaqstan».