Janashyrlyq

Syrtqy ister mınıstrligi qyzmetkerleriniń adamı is-áreketteri qazaqstandyqtardy ǵana emes, sheteldikterdi de tańǵaldyrdy Eliniń shyn mánindegi naǵyz patrıoty bolý – tek bilikti adamdardyń, oı-órisi bıik, bilimdi adamdardyń ǵana qolynan keletin qasıet. Osy qasıet tán azamattar Syrtqy ister mınıstrliginde kóp ekendigin tómendegi oqıǵadan bilip, elimiz úshin maqtanysh sezimine bólenip qaldyq. Qazir qaltaly qazaqtardyń barmaıtyn jeri, baspaıtyn taýy joq. Aǵylshyn tilin de sýsha simirip alǵandar kóp. Osy tildi bilse boldy, damyǵan sheteldiń bárinde týǵan aýylynda júrgendeı alshań basady. Byltyrǵy jyldyń aıaǵynda Qaısar Jumaǵalıev degen qazaqtyń zaıyby Aıman men 11 jasar qyzy Tomırıs te Batys jartyshardaǵy Domınıkan Respýblıkasyna týǵan aýylyna qydyrǵandaı dem alýǵa barypty. Domınıkan Respýblıkasy degen elge barmaq túgili, mundaı el bar ekenin, tipti, estimegen qazaqtar da kezdesip qalýy ábden múmkin. Sondyqtan, osy el týraly azdaǵan maǵlumat bere ketelik. Ol – Karıb teńizindegi Gaıtı aralynyń shyǵysynda ornalasqan shaǵyn memleket. Jer kólemi 49 myń sharshy shaqyrym ǵana, bizdiń eń kishi degen Soltústik Qazaqstan oblysynyń aýmaǵynan da eki ese kishkentaı. Soǵan qaramaı, halqy birshama kóp, 10 mln.-ǵa jýyq. Domınıkandy Santo-Domıngo degen ataýmen aldymen ıspandar, odan keıin aǵylshyndar men fransýzdar otar etken. О́tken ǵasyrdyń basynda ǵana bostandyq alǵan Domınıkan Respýblıkasy uzaq jyl AQSh-qa ekonomıkalyq turǵydan táýeldi bolyp keledi. IJО́-niń jan basyna shaqqandaǵy kólemi de asa kóp emes, 10 myń AQSh dollaryna jetpeıdi. Biraq bul el týrızmge óte qolaıly. El bıýdjetiniń negizgi bóligi týrızmnen túsedi. Ashyq teńizdiń jaǵasy bolǵandyqtan, munda kelýshiler sany jyl saıyn 4 mln. adamnan asyp jyǵylady. Memlekettik til ıspan tili bolǵanymen, syrtpen kóp aralasqandyqtan, týrızm ındýstrııasy aǵylshyn tilin de erkin meńgergen. Mine, osy memleketke byl­tyrǵy jeltoqsan aıynda barǵan Q.Jumaǵalıevtiń otbasy jaısyz jaǵdaıǵa ushyrap qalady. Qyzy Tomırıstiń ishi kútpegen jerden aýyryp, soqyrishek ekendigi anyqtalady. Aýrýhanaǵa aparyp dıagnozy dáleldense de domınıkandyq aq halattylar ota jasaýǵa asyqpaıdy. Tipti, ózinen ózi taraıdy dep arqany keńge salady. Bala bolsa shyryldap, shybyn jany kózine kórinip, derti shydatpaıdy... Endi ne isteý kerek? Qaıda bararyn, ne isterin bilmegen Aıman Jumaǵalıeva bolǵan jaıdy elde jatqan kúıeýine telefonmen aıtady. Qaısar Jumaǵalıev te ne isterin bilmeı sasqalaqtap, aqsha tólep kelisimshartqa otyrǵan kompanııaǵa habarlassa, olar da arqany keńge salyp, dárigerlerdiń sheshimine qarsy kele almaımyz degendi kóldeneń tartady. Qatty sasqan jigittiń esine Syrtqy ister mınıstrligi túsedi. Kún demalys, onyń ústine qazaqstandyq sheneýnikterdiń mundaıda oń qabaq tanyta qoımaýy da múmkin ekenin jaqsy biletin jigit úmiti az bolsa da anyqtamalyqtan alǵan kezekshi dıplomattyń nómirine jany dyzdyqtap habarlasyp, bolǵan jaıdy habarlaıdy. Sol kúni kezekshilikte otyr­ǵan Aısulý Jumabekova eken. Ol bolǵan jaıdy dál jeke ba­synyń qaıǵysyndaı jany shyrqyrap qabyldaıdy. «Anda habar­la­syńyz», «Anaǵan jolyǵyńyz» dep keı kezderi shyǵarypsalma jaýaptan asa almaıtyn sheneýnikterdiń az emes ekenin biletin Jumaǵalıev Aıgúldiń janashyrlyǵyna aıran-asyr bolady. A.Jumabekova barlyq má­se­leni anyqtaǵan soń, ony she­shýdiń joldaryn óz moıny­na alyp, shuǵyl iske kiri­sedi. Al­dymen Domınıkan Res­pýb­lı­kasynyń dárigerlerine tikeleı ózi habarlasyp, olardyń dıagnozy anyq bolsa da ota jasaýdan bas tartyp turǵanyn óz aýyzdarynan estıdi. Odan, mezgildiń tún ortasy ekendigine qaramaı, (bizde kúndiz bolǵanda olarda tún ǵoı) Qazaqstan Respýblıkasynyń Kanada men Domınıkan Respýblıkasy boıynsha konsýly bolyp isteıtin Almas Maqulbekovti shyrt uıqydan kóteredi. Jantalasqan Almas Aıman Jumaǵalıevamen habarlasyp, oqıǵany taǵy da anyqtap, Qazaqstan Respýblıkasynyń Domınıkan Respýblıkasyndaǵy Qurmetti konsýly Attılıo Pernı myrzany iske qosady. Qalyń oqyrmanǵa túsinikti bolý úshin, «Qurmetti konsýl» degen qyzmettiń mánisin de aıta keteıik. Elshilik ashylmaǵan keıbir elderde árbir memleket osyndaı «Qurmetti konsýldar» ustaıdy. Ol – sol eldiń azamaty, ózin qyzmetke alǵan memlekettiń keıbir shuǵyl tapsyrmalaryn atqarýdy uıymdastyryp otyrady. Attılıo Pernı Santo-Domın­gonyń klınıkasynda jatqan qazaq qyzy týraly jaı-japsardy bilgen soń dárigerlerdi oǵan ota jasaýǵa kóndiredi. Al qazaqstandyq dıp­lomattar bolsa, ota qanshalyqty sátti jasalǵanymen, bala tósekten turyp ketkenshe habarlasyp, jaı-japsardy bilip turypty... Adamdar bir-birine jana­shyrlyq tanyta qoıýy ekitalaı búgingideı qysyltaıań zamanda osyndaı qaıyrymy mol adam­dardyń bolǵany estigen jan­nyń bárin tańǵaldyrdy. Juma­ǵalıevter otbasynyń Syrt­qy ister mınıstrine alǵys bildirip jazǵan hatyn qoldaryna túsi­rip, áleýmettik jelilerde jarııa­laǵan habarǵa myńdaǵan adam komment jazyp, ózderiniń rıza­shylyqtaryn bildirip jatyr. Shy­nynda, bul tańǵalarlyq habar edi. Osyndaı qaıyrymdy adamdar kóp bolsa ómirimiz de jeńil, sapasy da joǵary bolmas pa edi? Dúnıeniń qaı shetinde júrseń de artyńda Qazaqstan degen eliń baryn, onyń sen úshin barlyq kómekti jasaýǵa ázir turǵan jaýap­ty qyzmetkerleri baryn sezinýdiń ózi qandaı ǵanıbet? Sony halyqqa uqtyrǵan Aı­sulý Jumabekova men Almas Maqul­bekov sııaqty dıplomattar myń alǵys aıtýǵa laıyq jan­dar. Bul janashyrlyqqa domı­nı­­kan­dyq dárigerler de tańǵalyp, ár­bir týrıst úshin kúıip-pisetin, qan­shama laýazymdy adamdary bir adam­nyń jeke problemalaryn sheshýge belsene aralasatyn qandaı baqytty memleket edińder, depti olar. Iá, biz sondaı memleketpiz dep júregimizdi maqtanysh kernep kernep aıta alamyz. Osynyń ózi túsine bilgen janǵa úlken baqyt emes pe?! Jaqsybaı SAMRAT, «Egemen Qazaqstan».