Azamattardan qazirge 44 ótinish tústi

Keshe Ortalyq saılaý komıssııasy tóraǵasynyń orynbasary Vladımır Foos kandıdattardyń, saıası partııalardyń jáne azamattardyń ótinishterin qaraý tártibi týraly brıfıng ótkizdi. V.Foos atap ótkendeı, «Qa­zaq­stan Respýblıkasyndaǵy saılaý týraly» Konstıtýsııalyq zańnyń 49-babyna sáıkes saılaý komıssııasynyń jáne onyń mú­sheleriniń sheshimderi men is-áreketterine (áreketsizdigine) ja­salǵan shaǵymdy, eger «Saılaý týraly» Zańda ózgeshe kózdelmese, joǵary turǵan komıssııa shaǵym túsken kúnnen bastap úsh kúnniń ishinde qaraıdy. Al azamattar men uıymdardyń saılaý zań­na­masyn buzýshylyqtar týraly ótinishterin, eger «Saılaý týraly» Zańda ózgeshe kózdelmese, saılaý komıssııalary shaǵym túsken kúnnen bastap bes kúnniń ishinde qaraýy tıis. «Sottar men prokýratýra organdary saılaý komıssııalary músheleriniń, azamattardyń, zańda belgilengen tártippen tirkelgen qoǵamdyq birlestikter ókilderiniń daýys berýdi ótkizý máselelerine qatysty, onyń ishinde saılaý týraly zańnamanyń buzylýy týraly saılaýǵa daıyndyq jáne ony ótkizý kezeńinde kelip túsken aryzdaryn qabyldaýǵa jáne olardy bes kún merzimde, al daýys berý aldyndaǵy bes kúnge jetpeıtin ýaqyt ishinde jáne daýys berý kúni kelip túskenderin dereý qaraýǵa mindetti. Jergilikti memlekettik basqarý jáne ózin ózi basqarý organdarynyń, kásiporyndar men uıymdardyń, olardyń laýazymdy adamdarynyń saılaý týraly zańdardy buzatyn sheshimderi men is-áreketterine sotqa shaǵym jasalady, – dedi V.Foos. – Sottar, prokýratýra organdary men saılaý komıssııalary óz jumysyn saılaý úderisi kezinde, onyń ishinde demalys kúnderi jáne saılaý ótetin kúni, shaǵymdardy qabyldaý men qaraýdy saılaý týraly zańda belgilengen merzimde qamtamasyz etetindeı etip uıymdastyrady». OSK tóraǵasynyń orynbasary, sondaı-aq, BAQ ókilderin 2016 jylǵy 20 qańtardan bas­tap 22 aqpanǵa deıingi kezeńde Ort­saılaýkomǵa jeke jáne zańdy tulǵalardyń 44 ótinishi kelip túskeninen habardar etti. Olar­dyń 19-y (42 %) Qazaqstan Res­pýb­lıkasy Parlamenti Májilisiniń depýtattaryn saılaý jónindegi saılaý naýqanymen baılanysty eken. Onyń ishinde 10 ótinish saılaý zańnamasynyń jekelegen normalaryn túsindirý máseleleri bo­ıynsha, taǵy 9-y Parlament Májilisiniń depýtattyǵyna kandıdattardy usynýǵa jáne par­tııalyq tizimderge engizilgen kan­dıdattardyń saılaý rásimderine qatysty. «Al OSK-ge kelip túsken 25 (57 %) ótinish Qazaqstan Res­pýb­lıkasy máslıhattarynyń depý­tattaryn saılaý jónindegi saı­laý naýqanyna baılanysty, – dedi V.Foos. – Olardyń ishin­de 17-si saılaý zańnamasyn túsin­dirý máseleleri boıynsha, qal­ǵandary rásimdik sátterge, saılaý komıssııalarynyń jumy­sy­na jáne kandıdattar týraly aq­paratqa baılanysty. О́ti­nish ıe­lerine ýaqtyly jaýap qaıta­ryldy. Toǵyz ótinish tıisti organ­darǵa qaraý úshin jiberildi».