Bilikti zańger, qarymdy qaıratker

Elimizde qazirgi ýaqytta erekshe saıası naýqan júrip jatqany belgili. Ýaqyt talabyna saı, jo­ǵarǵy zań shyǵarýshy organ – Par­lamenttiń Májilisi jáne jer­gi­likti saılanatyn organdar – más­lıhattardyń quramy jańar­tylmaq. Joǵarǵy organǵa depýtattar par­tııalyq tizimder arqyly saı­lanatyn bolsa, máslıhat depý­tat­tyǵyna kandıdat bolyp, qo­ǵamdyq rette jumys atqarýǵa, ujym­dardyń usynysy men aza­mat­tardyń jeke ózin ózi usyný arqyly tirkeletini belgili. Qazirgi kezeńde depýtattyqqa el qamyn oılaıtyn, kúrmeýi qıyn máselelerdiń sheshimin taba biletin, bilimdi de bilikti azamattar kelgeni lázim ekenin ómirdiń ózi kórsetip otyr. Ondaı azamattar aramyzda az emes, sonyń biri Respýblıkalyq ardagerler uıymy Ortalyq keńesiniń Tóralqa mú­shesi, «Jeti jarǵy» jáne Qoja­bergen jyraý» halyqaralyq qaıy­rymdylyq qorynyń tóraǵasy Beket Turǵaraev. Beket Turǵaraev 1947 jyly Ońtústik Qazaqstan oblysy, Qazy­ǵurt aýdany Taldybulaq aýylynda týǵan. 1974 jyly Qazaq mem­lekettik ýnıversıtetiniń zań fakýltetin bitirgennen soń eli­mizdiń sot salasynda uzaq jyldar abyroıly qyzmet atqardy. Eńbek jolyn oblystyq sottyń tálimgerinen bastap, Ońtústik jáne Soltústik Qazaqstan oblys­tyq sottarynyń tóraǵasy qyz­metterine deıin kóterildi. «Qazaq­stannyń eńbek sińirgen zańgeri», respýblıkanyń «Qurmetti sýdıasy» ataqtarynyń, «Altyn barys» omyraý belgisiniń, «Qurmet», «Parasat» ordenderiniń ıegeri atandy. Soltústik Qazaqstan oblysynda on jyl qyzmet atqarǵan jyldary óziniń negizgi qyzmetinen tys «Mádenı mura» baǵdarlamasyn iske asyrýda qoǵamdyq-mádenı sala boıynsha qyrýar jumystar atqardy. 2010 jyly eńbek demalysyna shyqqannan keıin qoǵamdyq-mádenıet salasynda da ónegeli eńbek jasady. Onyń ishinde Pir Bekettiń 260 jyldyǵyna oraı «El ıesi, jer ıesi Pir Beket» at­ty halyqaralyq konferensııa­ny joǵarǵy dárejede ótkizdi. Sonyń nátıjesinde «Beket ata-260» dep atalatyn ǵylymı-tanymdyq ki­tap shy­ǵarylyp, respýblıkanyń má­­­denı oshaqtary arqyly kópshilik oqyr­manǵa keń taraldy. B.Turǵaraev Jańaózen oqı­ǵa­syna baılanysty qurylǵan res­pýblıkalyq qoǵamdyq komıs­sııa­nyń jumysyna belsendi aralasyp, bilikti zańger retinde laıyqty úles qosty. «Jeti jar­ǵy» jáne Qojabergen jyraý» halyqaralyq qoǵamdyq qaıy­rymdylyq qoryn quryp, bir­talaı ıgi isterdiń at­qarylýyn qam­tama­syz etti. Onyń ishinde Qojabergen To­ly­baısynshyulynyń 350 jyl­dyǵyna oraı Almaty jáne As­­tana qala­larynda halyqaralyq qo­ǵamdyq konferensııalar ótkizip, qo­ry­­tyndysy boıynsha «Máńgilik eldiń máń­gilik jyrshysy» atty kórkem be­zendirilgen ǵylymı tanymdyq ki­tap jáne Qazaqstan Respýblıkasy Konstıtýsııasynyń 20 jyldyǵyna oraı «Prezıdent jáne quqyqtyq reforma», «Sal­tanat» atty kólemdi kitaptar shyǵardy. «Uly Jeńistiń 70 jyldyǵy qarsańynda Qazyǵurt aýdanynda «Babalar rýhyna taǵzym» keshenin saltanatty túrde ashyp, sol mekennen soǵysqa attanyp elge oral­maǵan 384 bozdaqtyń aty mármár tasqa jazylyp, máńgilik alaý oty jaǵylyp, «Erler esimi el esinde» degen 21 metrlik alyp monýment turǵyzyldy. B.Turǵaraev Respýblıkalyq ardagerler uıymy Ortalyq ke­ńesiniń, onyń Tóralqasynyń mú­shesi retinde birtalaı jumystar atqarýda. Ol jastarǵa patrıottyq tárbıe berý turǵysynda kópte­gen oqý oryndarynda jet­kin­shektermen kezdesip, quqyqtyq reformalar turǵysynan salıqaly da salmaqty áńgimeler ótkizdi. Soǵys ardagerleri men tyl eńbekkerleri arasynda da jıi kezdesýler ótkizip, aqsaqaldardyń muń-muqtajyn tyńdap, ol qıyndyqtardyń tyndyrymdy sheshilýine yqpal jasaýda. №21 saılaý okrýgi boıynsha Ońtústik Qazaqstan oblysynyń máslıhatyna depýtat bolyp tir­kelgen Beket Turǵaraev myrza sózi men isi alshaqtamaıtyn jan. Ol el qamyn oılaı biletin, bilimi, táji­rıbesi, qaırat-jigeri mol, aldyna qoıǵan maqsat-máselelerdi sheshe alatyn azamat. О́mirzaq OZǴANBAEV, Respýblıkalyq ardagerler uıymy Ortalyq keńesiniń tóraǵasy. Jarııalanym aqysy depýtat­tyqqa kandıdattyń jeke saılaý qorynan tólendi.