Sapalyq quramy qandaı?

Ortalyq saılaý komıssııasy Qazaqstan halqy Assambleıasy Keńesi usynǵan Qazaqstan Respýblıkasy Parlamenti Májilisiniń depýtattyǵyna tirkelgen kandıdattardyń sapalyq quramy jóninde aqparattandyrdy. Ortalyq saılaý komıssııasynyń hatshysy Baqyt Meldeshovtiń málim etýinshe, kandıdattardyń sapalyq quramy mynadaı bolyp keledi: kandıdattardyń 7-eýi er adam nemese 77,8 paıyz, áıelder – 2 nemese 22,2 paıyz. Barlyq 9 kandıdattyń da bilimi joǵary. Kandıdattar arasynda úsh dıplomdy ınjener, 1 dáriger, 1 zańger, 1 oqytýshy, taǵy úsheýi – basqa mamandyq ıeleri. «Qazaqstan halqy Assambleıasynan Parlament Májilisiniń depýtattyǵyna tirkelgen kandıdattardyń tórteýi ǵylym, mádenıet jáne bilim qyzmetkerleri bolsa, úsheýi V shaqyrylǵan Parlament Májilisiniń depýtattary. Bir qyzmetker memlekettik emes menshik nysanyndaǵy uıymnyń qyzmetkeri jáne bireýi ortalyq memlekettik organda jumys isteıdi», – dedi ol osy jóninde. OSK hatshysynyń atap ótýinshe, Qazaqstan halqy Assambleıasynan Parlament Májilisiniń depýtattyǵyna kandıdattardyń ortasha jasy 57,5 jasty quraıdy. Aıta keteıik, 2016 jylǵy 21 naýryzda Qazaqstan halqy Assambleıasynyń sessııasynda 9 Májilis depýtatyn saılaý ótedi.