Shetelde 65 saılaý ýchaskesi quryldy

Keshe Ortalyq saılaý komıssııasy tóraǵasynyń orynbasary Vladımır Foos sheteldegi saılaý ýchaskeleriniń jumysyn uıymdastyrý máseleleri jóninde brıfıng ótkizdi. Tóraǵa orynbasarynyń sózine qara­ǵanda, 2016 jylǵy 20 naýryzda partııa­lyq tizimder boıynsha saılanatyn Par­lament Májilisiniń depýtattary saı­laýynda, sondaı-aq, Qazaqstan Respýb­lıkasy máslıhattarynyń depýtattary saılaýynda daýys berý, jalpy alǵanda, 9 840 saılaý ýchaskesinde ótedi. Daýys berý kúni Qazaqstannan tys jerde bolatyn azamattar da ózderiniń saılaýǵa qatysý quqyǵyn iske asyra alady. «Ol úshin shet memleketterdegi Qazaqstan Respýblıkasy ókildikteriniń janynda Syrtqy ister mınıstrliginiń aýmaǵyndaǵy saılaý okrýgine qatysty saılaý ýchaskeleri qurylady, – dedi V.Foos osy máselege baılanys­ty. – Saılaý zańnamasyna sáıkes shet mem­leketterdegi Qazaqstan Respýb­lıka­sy ókildikteriniń janyndaǵy saı­laý ýchaskeleri boıynsha saılaýshy­lar tizimderine tıisti shet memlekette turatyn nemese uzaq merzimdi issaparda júrgen jáne Qazaqstan azamatynyń tólqujaty bar barlyq azamattar engiziledi. Sonymen qatar, elimizdiń shet memleketterde jeke shaqyrý boıynsha, qyzmettik, iskerlik jáne týrıstik saparlarda júrgen azamattary, olar ýchaskelik saılaý komıssııasyna júgingen jáne Qazaqstan Respýblıkasy azamatynyń tólqujaty bolǵan jaǵdaıda, saılaýshylar tizimderine engiziledi». Tóraǵa orynbasary brıfıngte 2016 jylǵy 4 naýryzdaǵy jaǵdaı boıynsha túrli shet memleketterdegi konsýldyq esepke Qazaqstan Respýblıkasynyń 14 myńnan astam azamaty qoıylǵanyn da atap ótti. «51 shet memlekettegi Qazaqstan Respýblıkasy ókildikteriniń janynda 65 saılaý ýchaskesi quryldy, 25 ýchaske Azııa elderinde, 4-eýi Ońtústik jáne Soltústik Amerıkada, 1-eýi Afrıkada, 20-sy Eýropada, 15-i TMD-da. Al sheteldik ýchaskelerde Qazaqstan Respýblıkasynyń azamattary partııalyq tizimder boıynsha saılanatyn Parlament Májilisiniń depýtattaryn saılaýda ǵana daýys bere alady», – dedi tóraǵa orynbasary V.Foos. Álısultan QULANBAI, «Egemen Qazaqstan».