Kommýnıster qatary tolyqty

Qazaqstan Kommýnıstik halyq partııasynyń (QKHP) saılaýaldy úgit-nasıhat shtabynyń belsendileri Halyqaralyq áıelder kúni merekesi kúnderi de tynymsyz jumys istedi. Sonyń ishinde jastar qanatynyń belsendileri ardager analardy ashyq aspan astynda quttyqtap, olarǵa qýanysh syılady. Bul quttyqtaý Almatynyń «Sary­arqa» kınoteatry mańyndaǵy saıabaqta boldy. Jastar osy jerge shaqyrylǵan ardager analarǵa óz ónerlerin kórsetti, án aıtyp, bı bıledi jáne shahmattan jarys uıymdastyrdy. Shaǵyn konsertte ardagerlerge tanymal ánder shyrqalyp, olardyń jastyq shaqtaryn eske túsirdi. Qurmetti qonaqtardy QKHP res­pýb­lıkalyq saılaýaldy shtabynyń múshe­leri Galına Baımahanova men Magerram Magerramov ta quttyqtady. Partııanyń Almaty qalalyq komıtetiniń jetekshisi Magerram Magerramov ardagerlerdiń arqasynda jer betinde beıbitshilik pen tynyshtyq ornap otyrǵanyn aıtty. Sondyqtan jastar ardagerlerdiń soǵys tylyndaǵy jáne odan keıingi eńbektegi erlikterine tánti ekenin atap kórsetip, olarǵa densaýlyq, meıirim jáne týǵan-týysqandarynyń mahabbatyn tiledi. «Qurmetti ardagerler, sizderdi kók­temniń shýaqty merekesimen quttyq­taı otyryp, ózderińizge Uly Otan soǵysy kezindegi erlik­terińiz ben eren eńbekterińiz úshin rıza­shy­ly­ǵ­y­myz­dy bildiremiz. Sizderdiń qahar­man­dyq­taryńyz­dyń arqasynda biz qazirgi beı­bit­shilik pen tynyshtyqta ómir súrip jatyrmyz», – dedi ol. Depýtattyqtan úmitker Galına Baı­mahanova partııalas áriptesiniń sózin qostaı kelip, ardagerlerdiń áleý­mettik máselelerin sheshýge basym­dyq beriletinin baıandady. «Sizder­diń kommýnıstik ıdeıanyń jalǵasty­rýshylary retinde bizge degen kóńil­der­ińiz­di joǵary baǵalaımyz. Sizder biz úshin qaharmandar jáne Otan qorǵaý­shy­lar ǵana emes, búgingi tańda biz nasıhat­tap júrgen qundylyqtar men kommý­nıstik partııa qurǵan sosıalıstik dáýirdiń tiri kýágerisizder. Sizderge óz­derińizdi tolǵandyratyn máselelerdi she­shýge yjdaǵattylyq tanytýǵa jáne jaq­sy ómir súrýge jaıly jaǵdaı jasaýǵa ýáde beremiz», – dedi Galına Baımahanova. Al mereke kúniniń qarsańynda Astana qalasynda jańa jastar toby QKHP qataryna qabyldandy. Olarǵa par­tııalyq bıletter saltanatty jaǵ­daıda respýblıkalyq saılaýaldy shtabynyń úıinde tapsyryldy. Shtab jetekshisi, V saılanǵan Májilis depýtaty Aıqyn Qońyrov búgingi saltanat jas kommýnısterdiń esinde máńgi qalatynyna úmit bildiretinin aıtty. Búgin jastar adamzat úshin eń ozyq gýmanıtarlyq ıdeıalardy taratýshy jáne ony iske asyrýǵa tyrysýshy partııanyń qataryna ótip otyr. Sondyqtan bul kún olardyń esinde máńgilik qalýǵa tıis, dedi ol. Jaqsybaı SAMRAT, «Egemen Qazaqstan».