Atyraýdaǵy aqjarma kezdesýler

Búkil álem Halyqaralyq áıelder kúni merekesin atap ótken kúni tańa ata Atyraýǵa «Máńgilik El» áleý­mettik poıyzy mańdaı tiredi. Poıyz quramyn­daǵy ár sala ókilderin oblys ákiminiń orynbasary Shyń­ǵys Muqan bastaǵan jergilikti bılik ókilderi qarsy aldy. Temirjol vokzaly al­dynda «Án sherý» atty pat­rıottyq ánder shyrqalyp, shaǵyn mıtıng te ótkizildi. Onda «Máńgilik El» áleý­mettik poıyzynyń shtab jetek­shisi Ámirjan Ál­peıisov el óńirlerin ara­laý­­da­ǵy maqsattyń negizgi basym­­dyq­­taryna toqtala kelip: «Biz­diń poıyzdyń quramyn­da 30-ǵa tarta medısına qyzmetkeri bar. Olar tek qabyldaý júrgizip qoımaı­dy, sonymen birge, jolda­ma beredi. Kvota alý máse­lesine de kómektesedi. Olardyń arasynda jergilikti jerde kezdespeıtin kardıologtar, onkologtar, balalar dárigerleri bar. Bular­dyń bári de shetelderde taǵy­lymdamadan ótken, jańa tehnologııalarmen jumys isteýdi meńgergen, qazir Astana men Almatydaǵy klınıkalar men ǵylymı ortalyqtarda jumys isteıtin bilikti mamandar. Poıyz quramynda osylar sekildi ár salalyq mınıstrlikterdiń bilikti mamandary da keńes beredi», – dep málim etti. «Máńgilik El» áleýmettik poıyzy quramyndaǵy salalyq mınıstrlikter ókilderi top-topqa bólinip, ózderine júktelgen mindetterin atqarýǵa kiristi. Máselen, 30-ǵa jýyq bilikti mamannan quralǵan dárigerler toby «Temirjol gospıtali» AQ aýrýhanasynda ártúrli syrqaty bar jergilikti turǵyndardy qabyldap, keıbirine dárigerlik keńester berdi. Al poıyz jetekshisi Á.Ál­peıisov bastaǵan top Atyraý mu­naı jáne gaz ınstıtýtynyń stýdentter saraıy­na jınalǵan óńir jastarymen júzdesti. Munda joǵary oqý oryndarynda oqıtyn stýdent-jastardyń qatysýymen «Meniń jetistikterim –Táýelsizdik jetistikteri» atty aksııa ótti. – Ata-babadan qalǵan ulan-ǵaıyr Uly Dala eliniń keleshegi ulttyq qundylyqtarynan tálimdi tárbıe alǵan bilimdi, bilikti jas­tarymyzdyń belsendiligimen kemeldene túsedi. Shúkir, elimiz táýelsizdik alǵaly beri jan-jaq­ty órkendep, álemge tanyldy. So­nyń ishinde, jastarymyzdyń shetelderdegi tańdaýly ýnıversıtetterde bilim alýyna da keń jol ashyldy, – dedi «Máńgilik El» áleýmettik poıyzynyń je­tekshisi Á.Álpeıisov. – Elbasy Nursultan Nazarbaevtyń ustanar basty saıasaty – elimizdi álemdegi damyǵan 30 eldiń quramyna qosý. Bul úshin, árıne, otandyq ekonomıkany ártaraptandyra órkendete berý bolsa, oǵan jastardyń da qosatyn úlesi mol bolýy tıis. Munaıly óńirdegi 17 et­no­­mádenı birlestiktiń bas qosa­tyn ortaq shańyraǵyna aı­nalǵan Dostyq úıinde memlekettik etnosaıasat máseleleri men qoǵamdyq kelisimdi, tózimdilik mádenıetin jáne ultaralyq qatynastardy qalyptastyrý máseleleri boıynsha semınar-trenıng ótti. Etnomádenı birlestikterdiń qa­ty­sýymen «Máń­­­gilik El – Bola­shaǵy bir­tu­tas ult» atty leksııa-tanys­ty­­rylymnyń ma­ńyzy tip­ten aı­ryqsha deýge bolady. «Qa­zaqstan – kópetnosty bir sha­­ńyraq astynda toǵystyrǵan, sonymen birge, birligi men dos­tyǵy nyǵaıǵan memleket» dep óńirdegi etnomádenı birlestikter ókilderimen kezdesýde oı túıin­degen áleýmettik poıyz jetekshisi Á.Álpeıisov Atyraý oblysynyń kitaphana júıesine ondaǵan ki­tapty tartý etti. Onyń ishinde sırek kitaptar da bar. – Mundaı kitaptar elimizdiń tarıhyn, Qazaqstandy meken etken ózge de etnostar tarıhyn tereńirek bilýge múmkindik beredi, – dedi ol. Sonymen birge, áleýmettik poıyz quramyndaǵy salalyq mı­­nıstrlikter ókilderi zııa­ly qaýymmen de, isker top ókilderimen de aqjarma kezdesýler ótkizdi. Máselen, jumys­qa ornalasý men áleýmettik árip­testik, memlekettik qyzmet usy­­ný máseleleri boıynsha keńes, memlekettik satyp alýdy uıymdastyrý boıynsha tapsyrys berýshilermen semınar uıymdastyryldy. Á.Álpeıisov málim etkendeı, «Máńgilik El» áleýmettik poıyzynyń óńirlerdi aralaýdaǵy maqsaty – halyqtyń máselelerin sheshýge atsalysý. Keshe «Máńgilik El» áleý­mettik poıyzy Maqat aýdanynda kezdesýler ótkizip, Aqtóbe oblysyndaǵy Shalqar aýdanyna attanyp ketti. Joldasbek ShО́PEǴUL, «Egemen Qazaqstan». ATYRAÝ. Sýretti túsirgen Rahym QOILYBAEV.