QARAǴANDY. 10 naýryz. Qaraǵandyda belgisiz bireýler qaladaǵy iri kásipkerdiń úıine túsip, dúnıe-múlkin tonap ketti. Bul týraly oblystyq ishki ister departamentiniń baspasóz qyzmetine silteme jasaǵan egemen.kz tilshisi habarlady.
Kúdiktiler kásipkerdiń qonaqqa ketkenin paıdalanyp, ózderiniń aram oılaryn tolyǵymen júzege asyrǵan. Úıdiń ishin emin-erkin aqtarǵan olar noýtbýk, altyn jáne kúmisten jasalǵan zergerlik buıymdar, eki qol saǵaty, qundyz tondar men bas kıim syndy baǵaly zattardy alyp ketken. Kásipkerge keltirgen shyǵynnyń mólsheri 870 myń teńgege baǵalandy.
Qazirgi tańda tártip saqshylary kúdiktilerge qarsy izdestirý sharalaryn qarastyrýda.
Qaırat Ábildınov.
Derek: Qaraǵandy oblysy ishki ister departamentiniń baspasóz qyzmeti.
Sýret: nur.kz.
