Astanada fýtzaldan stýdentter lıgasynyń jańa maýsymy bastaldy

ASTANA. 10 naýryz. Búgin Astana qalasyndaǵy joǵary oqý oryndarynda fýtzaldan stýdentter lıgasynyń oıyndary bastaldy. Bul týraly Astana qalasy ákimdiginiń resmı saıty – astana.gov.kz-ke silteme jasaǵan egemen.kz tilshisi habarlady. Saıysqa 8 komanda qatysýda. Olar birinshi kezeńde ózara eki matchtan ótkizedi. Úzdik tórt komanda sheshýshi kezeńde baq synaý múmkindigine ıe bolady. Lıganyń alǵashqy maýsymy 12 mamyrǵa deıin jalǵasady. Týrnır L.N.Gýmılev atyndaǵy Eýrazııa ulttyq ýnıversıtetiniń sportzalynda bastalsa, sheshýshi matchtardy Nazarbaev ýnıversıtetinde ótkizý josparlanǵan. Jarysqa «Astana» medısına ýnıversıtetinen, Qazaq ekonomıka, qarjy jáne halyqaralyq saýda ýnıversıtetinen, «Turan-Astana» ýnıversıtetinen jáne Qarjy akademııasynan – bir, al L.N.Gýmılev atyndaǵy Eýrazııa ulttyq ýnıversıteti men Nazarbaev ýnıversıtetinen eki komandadan qatysady. Ár komandada 18 stýdentten oınaıdy. «Astanada stýdentter arasynda fýtboldan týrnırler jıi ótkiziledi. Astana fýtbol federasııasynyń maqsaty – stýdentter lıgasyn jańa deńgeıge kóterý. Kezdesýlerde Qazaqstan premer-lıgasy men birinshi lıgada jumys istegen tóreshiler qazylyq etedi», – deıdi Astana fýtbol federasııasynyń menedjeri Erik Chınchalınov. Elaman Qońyr. Derek, sýret: astana.gov.kz.