Reseıde Fiat avtokonserni aqaýy bar 2,1 myń kólikti keri qaıtarady

ASTANA. 10 naýryz. Reseıde Fiat avtokonserni aqaýy bar 2,1 myń Ducato úlgisindegi kólikti keri qaıtarady. Bul týraly TASS aqparat agenttigine silteme jasaǵan egemen.kz tilshisi habarlady. Kompanııa basshylyǵynyń aıtýynsha, kólikterdiń bárinde otaldyrý jalǵaǵyshyn almastyrý qajet. Olardyń bári tıisti jóndeýden ótkennen keıin ıelerine qaıtarylady. Bul tizimge ótken jyldyń 15 qańtary men 1 maýsym aralyǵynda shyqqan kólikter endi. Aıta keteıik, ótken aıda Toyota kompanııasy Japonııada satylǵan 2,87 mıllıon kólikti qaýipsizdik beldiginiń durys ornatylmaǵanyna baılanysty keri shaqyrǵan. Al Volkswagen kompanııasyna ekologııaǵa taraıtyn qaldyqtardy azaıtyp kórsetetin qurylǵy ornatqanyna baılanysty Eýropanyń jáne Azııanyń birneshe elderi iri kólemdi aıyppul saldy. Sondaı-aq, AQSh-tyń Nıý-Meksıko shtatynyń basshylyǵy kompanııanyń bul isin alǵash bolyp sotqa berdi. Aıan Ábdýálı. Derek: TASS. Sýret: meuproximocarro.blogspot.com.