Batys Qazaqstanda qutyrǵan ıt adamǵa shapty

ORAL. 10 naýryz. Batys Qazaqstan oblysynyń Bórli aýdanynda qutyrǵan ıt adamǵa shaýyp, jas balany qaýyp aldy. Bul týraly batysnewskz.kz-ke silteme jasaǵan egemen.kz tilshisi habarlady. Abyroı bolǵanda, der kezinde kórsetilgen medısınalyq kómektiń arqasynda balanyń densaýlyǵyna aıtarlyqtaı zııan kelgen joq. Ata-anasy aýrýhanaǵa ony jedel jetkizip, em qabyldaǵan. Sonyń arqasynda vırýs aǵzaǵa tarap úlgermeı turyp, qaterdiń kózi joıylǵan. Al veterınarlardyń baqylaýyna alynǵan ıt vırýstyń ýshyǵýynan 10 kúnnen soń ólip qalǵan. Aıta keteıik, buǵan deıin atalǵan aýdanda eki janýardyń qutyrýǵa shaldyqqany anyqtalǵan. Onyń biri – jabaıy túlki eken. Úı aýlasyna qoryqpastan enip, aıbat shekken haıýandy turǵyndardyń biri uryp óltirgen. Júrgizilgen saraptamadan soń onyń da qutyrǵany anyqtalyp, qaýipsizdik sharasy qoldanylǵan. Sala mamandary osyndaı jaǵdaılarǵa kýáger bolyp nemese zardap shekken jaǵdaıda jedel aq halattylar men veterınarlarǵa habar berý qajettigin eskertedi. Temir Qusaıyn. Derek: batysnewskz.kz. Sýret: gorlovka.today.