Jańa jolaýshylar poıyzy

Osy aıdyń 15 juldyzynan bastap «Jezqazǵan – Sekseýil – Qyzylorda» te­mirjol jelisinde jolaýshylar poıy­zy júre bastaıdy. Poıyz Jezqazǵan – Qarsaqbaı – Baıqońyr – Kóktal – Qoskól – Qa­ra­she­gen – Abaı – Sekseýildi basyp ótip, ári qaraı Aral – Qazaly a­rqyly Qyzylordaǵa deıin qaty­naıtyn bolady. Jalpy 40-tan astam eldi mekenderdi qamtıtyn bul baǵyt «Nurly Jol» baǵdarlamasy aıasyn­daǵy áleýmettik mańyzdy joba bolyp tabylady. «Buǵan deıin bizdiń turǵyndar elimizdiń ońtústigine barý úshin Qaraǵandy arqyly qaty­nap, kóp ýaqyty men qarjysyn shyǵyndaıtyn. Endi tóte jol salynyp, halyq jol azabyn tartpaıtyn boldy. Buǵan qosa, jańa jol aımaqqa tyń serpin beredi dep senemiz», deıdi Jez­qaz­­ǵan qalasynyń ákimi Ba­tyr­lan Ahmetov. Poıyz Jezqazǵannan 19 saǵat 12 mınýtta shyǵyp, Qyzylordaǵa kelesi kúni 19 saǵat 53 mınýtta keledi. «Egemen-aqparat».