Akkredıtteýdiń barysy jóninde aqparattandyrdy

Keshe Ortalyq saılaý komıssııasynyń múshesi Marat Sár­sem­baev 2016 jylǵy 20 naýryzǵa taǵaı­yn­dal­ǵan Qazaqstan Respýb­lıkasy Parlamenti Má­jili­siniń depýtattarynyń saılaýy­na halyq­aralyq uıymdar men shet memleketterdiń baıqaý­shy­laryn akkredıtteýdiń barysy týraly brıfıng ótkizdi. M.Sársembaev BAQ ókil­derin osy jylǵy 11 naýryz­daǵy jaǵdaı boıynsha Ortsaı­laýkom Syrtqy ister mınıstr­liginiń usynýymen halyq­aralyq uıymdar men shet mem­leketterdiń 454 baıqaýshysyn akkredıttegeni jóninde habardar etti. «Olardyń ishin­de EQYU/DIAQB-nyń 44 baı­qaý­shysy, EQYU Parlament­tik Assambleıasynan 75 baıqaý­shy, TMD mıssııasynan 293 baıqaýshy, Shanhaı yn­ty­maq­tastyǵy uıymynan 9 baıqaýshy, Islam yntymaqtastyǵy uıy­mynan – 3, Túrkitildes elderdiń Parlamenttik Assambleıasynan – 7 jáne 10 shet memleketten 23 baıqaýshy bar», – dedi ol osy jóninde. OSK múshesiniń aıtýynsha, budan basqa Qazaqstan Respýblıkasynyń Syrtqy ister mınıstrligi 28 memle­ketten sheteldik BAQ-tardyń 117 óki­lin akkredıttegen. Olardyń ishinde «Austrian Press Agency», «Frans-Press», «Sınhýa», «TASS» «Tomson-Reıter», «European Pressphoto» aqparattyq agent­tikteriniń, sondaı-aq, «The Financial Times», «The Guardian», «Rossııskaıa gazeta» gazetteriniń jáne basqa BAQ-tar­dyń ókilderi bar eken. Qazirgi ýaqytta álemniń 51 elinen 571 halyqaralyq baı­qaýshy men sheteldik buqarlyq aqparat quraldarynyń ókili akkredıttelipti. Elimizdiń saılaý zańnamasynyń 20-2-babyna sáıkes halyqaralyq baı­qaýshylar men Syrtqy ister mınıstrligi akkredıttegen jýrnalıster saılaý úderisiniń barlyq kezeńderine qatysýǵa, saılaý komıssııalarynda saılaý naý­qanynyń barysy týraly aqparat alýǵa, daýys berýdi ótkizý jáne daýys­tardy sanaý kezinde saılaý ýchaskelerine kirýge, saılaý úderisine qatysýshylarmen kezdesý­ge, ózderiniń baıqaǵandary, anyq­talǵan zań buzýshylyqtar jóninde saılaý ko­mıs­­sııalarynyń múshelerin habardar etýge, usynymdar engizýge jáne jarııa málimdemeler jasaýǵa quqyly. Álısultan QULANBAI, «Egemen Qazaqstan».