Qala qurylysyna qatysty jańalyqtar

Ulttyq ekonomıka mınıstrligi Barlyq deńgeıdegi qala qurylysy jobalaryna keshendi qala qurylysy saraptamasyn júrgizý qaǵıdalaryn bekitti. 2015 jylǵy qazan aıynda «Qazaqstan Respýblıkasynyń keıbir zańnamalyq aktilerine sáýlet, qala qurylysy jáne qurylys qyzmeti máseleleri boıynsha ózgerister men tolyq­tyrýlar engizý týraly» Qa­zaqstan Respýblıkasynyń Zańy qabyldanǵan bolatyn. Osy zańnyń sheńberinde qala qurylysy saraptamasyn ótkizý úderisi retteldi. Barlyq deńgeıdegi qala qurylysy jobalaryna keshendi qala qurylysy saraptamasyn júrgizý qaǵıdalary bekitildi. Qala qurylysy jáne qurylys jobalary (tehnıkalyq-ekonomıkalyq negizdemeler jáne jobalaý-smetalyq qujattamalar) boıynsha saraptama qorytyndylaryn resimdeý qaǵıdalaryn jáne saraptama komıssııalaryn (saraptama toptaryn) qurý jáne keshendi vedomstvodan tys saraptamaǵa jáne qala qurylysy saraptamasyna qatysý úshin mamandardy (mamandandyrylǵan ınstıtýt­tar men uıymdardy) tartý qaǵıdalaryna ózgerister men tolyqtyrýlar engizildi. Ol qaǵıdanyń maqsaty jobalardy keshendi qala qurylysy saraptamasynan ótkizý úderisin retteý, joba­lardy keshendi qala qurylysy saraptamasynan ótkizý kezinde, saraptama komıssııalaryn (saraptama toptaryn) qurý úderisin retteý, keshendi qala qurylysy saraptamalyq qorytyndylaryn resimdeý tártibin belgileý bolyp tabylady. Qaǵıdalar boıynsha bar­lyq deńgeıdegi qala qury­lysy jobalaryn qala qurylysy saraptamasynan ót­kizý úderisi retteledi,  qala qurylysy saraptamasynan ótkizýge jatatyn mindetti qala qurylysy jobalary, qala qurylysy saraptamasyn júrgizý boıynsha, saraptama komıssııasyn (saraptama toptary) qurý tártibi jáne sarap­tamalardyń qory­tyn­dylaryn resimdeý tártibi anyqtalady. «Qazirgi tańda, qaǵıdalar qoldanysqa engizildi, Ult­tyq ekonomıka mınıstr­ligi Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıteti Qaǵıdalarǵa sáıkes qurylǵan saraptama komıssııalarymen qala qurylysy jobalaryna qala qury­lysy saraptamalary júrgizildi: Qyzylorda ob­lysy Baıqońyr qalasynyń bas jospary, Almaty aglo­merasııasynyń aýmaǵyn damytý óńiraralyq shemasy. Aqtóbe oblysy Aqtóbe qala­synyń bas jospary saraptama komıssııasynyń qaraýynda», dedi QR UEM Qurylys, turǵyn úı-kommý­naldyq sharýashylyq isteri jáne jer resýrstaryn basqarý komıtetiniń sáýlet, qala qurylysy jáne qala qu­rylys kadastry basqa­r­­masy­nyń basshysy Táńir­bergen Dárkenbaev.  «Egemen-aqparat».