Tárbıe balabaqshadan bastalady

Búgingi kúnniń bir talaby – mem­leket-jekemenshik áriptestigin damytý barysynda Almaty ob­ly­synyń ákimi Amandyq Batalov 2015 jyldyń basynda, mektepke deıingi tárbıemen qamtýdy Jetisý jerinde 77%-ǵa jetkizý tý­raly memlekettik qyzmetkerler men kásipkerlerge tapsyrma bergen edi. Nátıjesinde bir jyldyń ishinde oblystyń bala­baqshamen qamtý kórsetkishi 13,3%-ǵa artty. Bul rette súbeli úlesin qosyp júrgen kásipkerler barshylyq. «Bilim salasyna 2009 jyldan beri ınvestısııa tartyp júrgen kásipkermin. Talǵar aýdany, Gúl­dala aýyldyq okrýgindegi Ja­­ńa Qýat eldi mekeninde 500 ba­laǵa arnalǵan eki balabaqsha, 350 oryndyq mektep qurylysyn salyp, 156 adamdy jumyspen qamtyp otyrmyn. Memleket qa­zynasyna jyl saıyn 30 mln.teńgege jýyq salyq tólenýde. Bú­gingi kúni memleket-jekemen­shik áriptestigin jandandyrý maq­­sa­tynda Qapshaǵaı qalasynan 59 sotyq jer telimin satyp alyp, birinshi qabatynda 250 oryndyq balabaqshasy bar turǵyn úı ke­she­niniń qurylysyn salýdy jos­parlap otyrmyn. Osy áleýmettik nysandy memleket-jekemenshik áriptestigi negizinde bılik qoldasa nur ústine nur bolar edi. Bul joba oblys basshysynyń 2016 jyly balabaqshamen qamtýdy 87%-ǵa jetkizý týraly bergen tapsyrmasyn der kezinde oryndaýǵa ózindik úlesin qospaq. Osyndaı jetistiktermen qatar, sheshimin tappaı turǵan máseleler de bar. Biraq qaı problema bolmasyn, qazirgi tańda Elbasymyzdyń ká­sip­­kerlerge degen qamqorlyǵy ar­qasynda sheshimin tabady degen senimdemin. Meniń mektep pen balabaqshany turǵyzǵan aýylym Almaty qalasynyń janynda ornalasqan. О́kinishke qaraı, osy meken jaıdyń áli ákimshilik mártebesi bolmaǵandyqtan, mektep qurylysynyń ınfraqurylymyn – sýdy da, elektr jaryǵyn da óz qarajatymmen ótkizdim. Bi­raq, mektepke barar joldy as­falttaýǵa meniń múmkinshiligim jetpedi. Búgingi kúni 450 metr je­rine eski asfalt pen qıyrshyq tas tósep, qara jol salyp qoıyp otyrmyn. Mektepke barar jolda qaraýsyz jatqan bos jerlerge kópshilik demalatyndaı skver jasap, kógaldandyryp, shamdar or­natyp, sport keshenderi men velosıpedshilerge arnalǵan jol salsam ba degen oıym bar», dedi kásipker Kúlánda Batyrbekova. О́tken jyly qazan aıynda atalǵan kásipkerdiń bas­shy­ly­ǵy­men «Dana» mektebiniń ashylýy saltanatty túrde ótken edi. Az ýaqyt ishinde balalary túrli halyqaralyq, respýblıkalyq, baıqaýlar men olımpıadalardyń jeńimpazdary atanýda. Mek­tep­tegi basseınge byltyr ashyl­ǵan ınklıýzıvti eki toptyń balalary qatysyp, halyqtyń rı­zashylyǵyna bólenýde. So­nymen qatar, mek­teptiń zamanaýı jabdyqtalǵan ba­zasynda aýyl balalaryn jappaı sportpen shuǵyldanýǵa, qo­symsha bilim berýmen qamtý úshin memleket-jekemenshik áriptestigi negizinde túrli úıirmeler ashýǵa óz úlesin qosýǵa kásipker daıyn. Sonymen qatar, Kúlánda Ba­tyrbekova tek kásipkerlikpen shek­­telip qalmaı, qoǵamdyq ju­­mystarǵa da belsene aralasa biletin óreli jan. О́zindik oıy bar. Eń bastysy, myna ju­mys tek er-azamattarǵa ǵa­na tán eken dep irkilmeıdi. Sóı­tip, qaı­ta saılanǵan óńirlik ká­sip­kerler palatasyna Talǵar aýda­ny boıynsha múshelikke ótip, jaýapkershiligin arttyra túsýde. Sondyqtan elimizdiń kásipkerlerin óz ınvestısııalaryn áleýmettik-ekonomıkalyq máselelerdi sheshýge, ulttyń urpaǵyna ulaǵat ná­rin sińirýge shaqyrýda. Taǵy bir aıta keter jaıt, kásipkerdiń ótinishin óńir basshysy estisimen birden Talǵar aýdanynyń ákimine memleket-jekemenshik áriptes­ti­gi aıasynda atalǵan kásipkerge qoldaý kórsetý jóninde dúıim jurttyń aldynda nusqaý berdi. Nurbol ÁLDIBAEV, «Egemen Qazaqstan». Almaty oblysy.