Elimiz Eýropa tájirıbesine den qoıdy

Keshe Memlekettik qyzmet isteri mınıstrligi men Prezıdent janyndaǵy memlekettik basqarý akademııasy birlesip «Memlekettik qyzmettegi zamanaýı úderister men reformalar» atty konferensııa ótkizdi. Sharaǵa memlekettik qyzmet isteri mınıstriniń orynbasary men Qazaqstandaǵy Eýroodaq ókiliniń basshysy, elshi Traıan Hrıstea jáne óńirlik habtyń basqarýshy komıtet tóraǵasy Álıhan Baımenov, sondaı-aq Prezıdent janyndaǵy basqarý akademııasynyń ókilderi qatysty. Jıynǵa qatysýshylar Eýropa oda­ǵynyń «Qazaqstan úkimeti mem­le­kettik qyzmeti reformasy jáne modernıza­sııasy» jobasy aıasyndaǵy jan-jaq­ty pikirlerin aıtyp, memlekettik bas­qarý boıynsha Eýropa tájirıbesin ın­­te­grasııalaýǵa baǵyttalǵan bastamany qoldaıtyndaryn bildirdi. О́z kezeginde elshi Traıan Hrıstea: «Eýroodaq Qazaqstan úkimetimen túrli salalarda, onyń ishinde memlekettik basqarý baǵytyndaǵy reformalarǵa qoldaý kór­­setý boıynsha yntymaqtasyp ke­ledi. Atalǵan joba barysynda eleýli je­tistikke qol jetkizildi jáne álemdik talaptarǵa saı keletin, halyqaralyq ozyq tájirıbege sáıkestendirilgen mem­le­kettik qyzmet júıesi quryldy», – dedi. Ol, sondaı-aq, osy konferensııanyń ótýine muryndyq bolǵan Memlekettik qyzmet isteri mınıstrligi men Prezıdent janyndaǵy akademııaǵa óz rızashylyǵyn jetkizdi. Jalpy, konferensııada memlekettik basqarý salasyndaǵy qyzmetkerlerdiń bilimi men biliktiligi aıtylyp, olardyń tájirıbesin arttyratyn jobalar py­syqtaldy. Osy oraıda Memlekettik qyz­met isteri mınıstriniń orynbasary Inna Ahmetova «Qazaqstan Úkimeti memlekettik qyzmetiniń reformasy jáne jańǵyrtylýy» atty joba aıasynda 171 memlekettik qyzmetker úshin 25 sapar uıymdastyrylǵanyn alǵa tartty. Konferensııa sońynda qatysýshylar Eýroodaq pen Qazaqstannyń birlesken jobasy negizinde tájirıbesin shyń­dap, biliktiligin arttyryp júrgen mem­lekettik qyzmetshilerdiń sanyn eseleý qajettigin málimdedi. Olar sonymen qatar, atalǵan qyzmetkerlerdiń mártebesin kóterý boıynsha da jumys jasaý kerektigin usyndy. Talǵat RAIYMBEK, «Egemen Qazaqstan».