О́ńirdegi oń ózgerister saraptaldy

Taldyqorǵanda «Strategııa kz» qoǵamdyq gýmanıtarlyq qorynyń uıymdastyrýymen «Aımaqtyq damýdyń artyqshylyqtary: jańa mindetter men baǵyttar» degen taqyrypta aımaqtyq sarapshylar forýmy bolyp ótti. Oǵan elimizdegi jetekshi sarapshylar, saıasatkerler men qoǵam qaıratkerleri qatysty. Forýmdy Qazaqstan Respýblıkasy Prezıdenti janyndaǵy Strategııalyq zertteýler ınstıtýtynyń Almaty qala­syndaǵy ókildiginiń basshysy Mádına Nur­ǵalıeva ashyp, júrgizip otyrdy. Dóńgelek ústel basynda oblystyq aýyl sharýashylyǵy basqarmasynyń, oblystyq ekonomıka jáne bıýdjetti jos­parlaý basqarmasynyń, oblystyq týrızm basqarmasynyń qyzmetkerleri esepti baıan­damalar jasady. Agrarly oblys bolǵandyqtan, aýyl sharýashylyǵy salasy jaqsy damyp kele jatqandyǵy naqty fak­tiler keltirile aıtyldy. Basty ustanym – ınvestısııa tartý arqyly mal tuqymyn asyldandyrýǵa nazar aýdarý. О́ńirde qant qyzylshasyn ósirýge erekshe ekpin berilip, tátti túbir ósirýge memleket ta­rapynan mıl­­lıondap qarajat bóli­nip otyrǵany da atap kórsetildi. Kók­ónis ósirý jaıyna kelsek, jylyna Je­tisý jerine Qytaıdan 20 myń tonnadan astam alma tasylyp, saýdalanady eken. Osy problemadan shyǵý­dyń bir jo­ly Eńbekshiqazaq, Uıǵyr aýdandarynda ın­tensıvti baqtar aýmaǵyn ke­ńeıtý qa­jet­tiligi sarapshylar tarapynan táptishteldi. О́ńirde kásipkerlikti damytý arqyly aýyl sharýashylyǵy ónimderin qaıta óńdeý zaýyttaryn kóbeıtý, tabıǵat-ana­nyń teńdessiz syıyn tıimdi paıdalanyp, týrızmdi órkendetý sekildi ómir­lik qajettilikterdi óteý arqyly kiris kózin ashý turǵysynda Ulttyq zertteýler ınstıtýtynyń dırektory Bórihan Nurmuhamedov, «Alternatıva» ózek­ti zertteýler ortalyǵynyń dırektory An­d­reı Chebotarev, «Eýrazııa álemi» qoǵamdyq qorynyń basshysy Edýard Poletaev ózindik oı-pikirlerin ortaǵa saldy. Tutastaı alǵanda, sarapshylar Almaty oblysynda atqarylyp jatqan jumystarǵa razylyqtaryn bildirdi. О́ńirdegi tyń qa­damdardy saraptap, ózge oblystar kórsetkishterimen salystyra memlekettik saıasatqa saı atqarylyp jatqandyǵyn qup­tady. Alǵa basý qadamdary degende, byltyrǵy jyly týrızm salasyn damytýda álemdegi 140 memlekettiń arasynan 85-orynǵa kóterilgenin halyqaralyq sarapshylar anyqtap bergenin basa aıtýǵa bolady. Almaty oblysynyń damý kórsetkish­terin talqylaý barysynda sarapshylar ınstıtýttyq reformalar sheńberinde aımaqtyń damý basymdyqtarymen qatar, jańa joldaryn da qarastyrdy. Sonymen qatar, pikirsaıysqa qatysýshylar aldaǵy máslıhat saılaýynyń máni men mańyzyna toqtaldy. Olardyń aıtýynsha, bul aı­maqtyń ózekti máselelerin sheshý el aza­mattarynyń belsendiligin arttyryp, jer­gilikti ózin ózi basqarý júıesin odan ári damyta túsýge jol ashady. Qoryta aıtqanda, forýmǵa qatysý­shylar mundaı pikirsaıystar Ult Jos­paryn júzege asyrýdyń tájirıbelik má­selelerin sheshýdiń tıimdiligi, aldaǵy ýa­qytta memlekettik reformalardy tal­daýǵa qatysty is-qımyldarǵa daıyn eken­digi týraly pikirlerimen bólisti. Nurbol ÁLDIBAEV, «Egemen Qazaqstan».  TALDYQORǴAN.