Áńgime ózegi – turǵyndar jaǵdaıyn jaqsartý

Qazaqstannyń «Aq jol» demo­kratııalyq partııasy aty­nan Parlament Májilisi depýtat­tyǵy­nan úmitkerler Talǵat Erǵalıev pen Ev­genıı Kınsel Qyzyljar óńiriniń saılaýshylarymen kezdesýler ótkizip, árqıly máseleler tóńireginde oı-pikirler almasty. Mamlıýt aýdanyna qarasty Shýche eldi mekenine atbasyn tiregen olar al­dy­men «Beloe-Agro» JShS-inde boldy. Munda seriktestiktiń eńbek tynysy­men tanysqannan keıin ujym músheleri­men júzdesip, partııanyń saılaýaldy baǵ­darlamasyn áńgime ózegine aınaldyrdy. Talǵat Faızollauly óz sózinde búgin­gideı qıyn kezeńde turaqty ekono­mıkalyq kórsetkishterge qol jetkizip kele jatqan Qazaqstannyń damý órisi odan ári keńeıe túserin, mundaı senimdi ór­kenıetti 30 eldiń qataryna kirý strategııasyn túzip bergen Ult Jospary ornyq­tyrǵanyn jetkize kelip, bıznesti qorǵaý, kásipkerlikke buqaralyq sıpat berý saıası uıym tuǵyrnamasynyń ajy­raǵysyz quramdas bóligi bolyp tabylatynyn bólip aıtty. Qazirgi tańda shaǵyn jáne orta bıznesti eldi mekenderde óristetýdiń qolaıly joldary kóp. Jyl ótken saıyn bul salaǵa qomaqty qarjy bólinip keledi. Osynyń arqasynda aýyl­dyqtardyń ómir súrý deńgeıiniń sapa­lyq ósýi qamtamasyz etildi. T.Erǵalıevtiń aıtýynsha, «Aq jol» demo­kratııalyq partııasy Elbasy belgi­lep bergen aýqymdy memlekettik baǵ­darlamalardy qoldaı otyryp, keshen­di sharalardy júıeli túrde júzege asy­rýǵa óz úlesin qosatyn bolady. Evgenıı Kınsel bilim berý, den­saý­lyq saqtaý, rýhanı-mádenı salalardyń sapasyn nyǵaıtý máseleleri partııanyń jańa baǵdarlamasynda keń oryn alǵanyn baıandady. Bilimdi jáne densaýlyǵy myq­ty ult qana básekelestikke tótep bere alady. Bilim berýdiń qazirgi zamanǵy talaptary men standarttaryn ıgermeı alǵa basý qıyn. Sondyqtan ǵylymı zerttemeler men ınnovasııalar júıesin qoldaý, medısınalyq mekemeler jelisin aýyldyq jerlerde keńeıtý asa mańyzdy. Parlament Májilisi depýtattyǵynan úmitkerler «Horsıev» jeke kásip­ker­liginde bolyp, qurylym quramyna enetin dıirmen, jıhaz sehy jumystarymen tanysty. Munda saılaýshylardy partııa­nyń turǵyn úı qurylysyna, jumyspen qamtý, jumyssyzdyqty azaıtýǵa, sybaılas jemqorlyqqa, quqyqtyq reformany jetildirýge, ashyq qoǵam qurýǵa qatysty ustanymdary qyzyqtyrdy. Partııalyq tizim arqyly depýtattyqqa usynylǵan qos kandıdat saýaldarǵa naqty jaýap berip, maqsaty aıqyn, baǵyty naqty saıa­sı uıymnyń jarqyn bolashaqqa umtyla beretinin málimdedi. Mamlıýt un úgý kombınatynda ótken kezdesý de taǵylymǵa toly boldy. О́mir ESQALI, «Egemen Qazaqstan». Soltústik Qazaqstan oblysy. Sýretti túsirgen Talǵat TÁNIBAEV.