Qazaqstan Respýblıkasy Úkimetiniń qaýlysy  №130 

2016 jylǵy 4 naýryz, Astana, Úkimet Úıi Memlekettik múlikti basqarý jónindegi fýnksııalardy oryndaýǵa qatysatyn jeke jáne zańdy tulǵalardyń memlekettik menshikpen baılanysty múliktik sıpattaǵy barlyq mámileler jáne qarjylyq qyzmet týraly esepter berýiniń qaǵıdalary men merzimderin bekitý týraly «Sybaılas jemqorlyqqa qarsy is-qımyl týraly» 2015 jylǵy 18 qarashadaǵy Qazaqstan Respýblıkasynyń Zańy 11-babynyń 11-tarmaǵyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Memlekettik múlikti basqarý jónindegi fýnksııalardy oryndaýǵa qatysatyn jeke jáne zańdy tulǵalardyń memlekettik menshikpen baılanysty múliktik sıpattaǵy barlyq mámileler jáne qarjylyq qyzmet týraly esepter berýiniń qaǵıdalary men merzimderi bekitilsin. 2. Osy qaýly 2017 jylǵy 1 qańtardan bastap qoldanysqa engiziledi jáne resmı jarııalanýǵa tıis. Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2016 jylǵy 4 naýryzdaǵy №130 qaýlysymen bekitilgen Memlekettik múlikti basqarý jónindegi fýnksııalardy oryndaýǵa qatysatyn jeke jáne zańdy tulǵalardyń memlekettik menshikpen baılanysty múliktik sıpattaǵy barlyq mámileler jáne qarjylyq qyzmet týraly esepter berýiniń qaǵıdalary men merzimderi 1. Jalpy erejeler 1. Osy Memlekettik múlikti basqarý jónindegi fýnksııalardy oryndaýǵa qatysatyn jeke jáne zańdy tulǵalardyń memlekettik menshikpen baılanysty múliktik sıpattaǵy barlyq mámileler jáne qarjylyq qyzmet týraly esepter berýiniń qaǵıdalary men merzimderi (budan ári – Qaǵıdalar) «Sybaılas jemqorlyqqa qarsy is-qımyl týraly» 2015 jylǵy 18 qarashadaǵy Qazaqstan Respýblıkasynyń Zańy 11-babynyń 11-tarmaǵyna sáıkes ázirlendi jáne memlekettik múlikke qatysty menshik ıesiniń menshik quqyǵyn júzege asyratyn memlekettik organǵa memlekettik múlikti basqarý boıynsha fýnksııalardy oryndaýǵa qatysatyn jeke jáne zańdy tulǵalardyń memlekettik menshikpen baılanysty múliktik sıpattaǵy barlyq mámileler jáne qarjylyq qyzmet týraly esepter berýiniń tártibi men merzimderin aıqyndaıdy. 2. Osy Qaǵıdalarda paıdalanylatyn negizgi uǵymdar: 1) baǵdarlamalyq qamtylym – baǵdarlamalardyń, baǵdarlamalyq kodtardyń, sondaı-aq olardy paıdalaný úshin qajetti tehnıkalyq qujattamasy bar baǵdarlamalyq ónimderdiń jıyntyǵy; 2) jergilikti bıýdjetten qarjylandyrylatyn atqarýshy organ –kommýnaldyq (oblystyq, aýdandyq) menshikke bılik etýge ákimdik ýákilettik bergen, tıisti jergilikti bıýdjetterden qarjylandyrylatyn memlekettik mekeme; 3) memlekettik múlik – respýblıkalyq jáne kommýnaldyq múlik; 4) memlekettik múlikti basqarý jónindegi fýnksııalardy oryndaýǵa qatysatyn jeke tulǵalar (budan ári – jeke tulǵalar) – memlekettik menshikti múliktik jaldaý (jalǵa alý) shartyn jáne (nemese) memlekettik menshikti senimgerlikpen basqarý shartyn jasasqan jeke tulǵalar; 5) memlekettik múlikti basqarý jónindegi fýnksııalardy oryndaýǵa qatysatyn zańdy tulǵalar (budan ári – zańdy tulǵalar) – memlekettik menshikti múliktik jaldaý (jalǵa alý) shartyn jáne (nemese) memlekettik menshikti senimgerlikpen basqarý shartyn jasasqan zańdy tulǵalar; 6) memlekettik múlikti basqarý jónindegi ýákiletti organ – Qazaqstan Respýblıkasy Ulttyq Bankine bekitilip berilgen múlikti qospaǵanda, respýblıkalyq múlikti basqarý, memlekettiń respýblıkalyq múlikke quqyǵyn iske asyrý, ekonomıkanyń strategııalyq mańyzy bar salalarynda menshikti jáne strategııalyq obektilerdi jekeshelendirý men memlekettik monıtorıng júrgizý salasyndaǵy basshylyqty óz quzyreti sheginde júzege asyratyn ortalyq atqarýshy organ; 7) memlekettik múlikti múliktik jaldaý (jalǵa alý) sharty – jalǵa berýshi jalǵa alýshyǵa memlekettik menshikti aqy úshin ýaqytsha ıelený men paıdalanýǵa berýge mindettenetin jazbasha nysanda jasalatyn mámile; 8) memlekettik múlikti senimgerlikpen basqarý sharty – eger shartta nemese zańnamalyq aktilerde ózgeshe kózdelmese, senimger basqarýshy ózine ıelenýge, paıdalanýǵa jáne bılik etýge berilgen memlekettik múlikti paıda alýshynyń múddesi úshin óz atynan basqarýdy júzege asyrýǵa mindettenetin jazbasha nysanda jasalǵan mámile; 9) memlekettik múlik tizilimi (budan ári – tizilim) – arnaýly memlekettik organdardyń jedel basqarýyndaǵy múlikti jáne memlekettik materıaldyq rezervtiń múlkin qospaǵanda, memlekettik múlikti esepke alýdyń biryńǵaı aqparattyq avtomattandyrylǵan júıesi. 3. Esepter: 1) memlekettik menshikpen baılanysty múliktik sıpattaǵy barlyq mámileler týraly esepke; 2) memlekettik menshikpen baılanysty qarjylyq qyzmet týraly esepke bólinedi. 2. Memlekettik menshikpen baılanysty múliktik sıpattaǵy barlyq mámileler jáne qarjylyq qyzmet týraly esepterdi berý tártibi men merzimderi 4. Jeke jáne zańdy tulǵalar múliktik sıpattaǵy mynadaı: 1) memlekettik múlikti qosymsha jaldaý; 2) memlekettik múlikti kepilge berý; 3) úshinshi tulǵalardyń memlekettik múlikti jaqsartýlar júrgizýi; 4) memlekettik múlikti ıelikten shyǵarý jónindegi mámileler boıynsha esep beredi. 5. Jalǵa alýshy bolyp tabylatyn jeke jáne zańdy tulǵalar Qaǵıdalardyń 4-tarmaǵynda kózdelgen mámilelerdi jasasqan jaǵdaıda, memlekettik menshikpen baılanysty múliktik sıpattaǵy barlyq mámileler týraly esepterdi osyndaı mámile jasalǵan kúnnen bastap 10 (on) jumys kúni ishinde usynady. 6. Memlekettik menshikti basqarý jónindegi senimger basqarýshy bolyp tabylatyn dara kásipkerler men zańdy tulǵalar memlekettik múlikti ıelikten shyǵarý týraly nemese ony kepilge berý týraly mámileni jasasqan jaǵdaıda, memlekettik menshikpen baılanysty múliktik sıpattaǵy barlyq mámileler týraly esepti memlekettik múlikti senimgerlikpen basqarý shartynda kózdelgen merzimderde beredi. 7. Memlekettik menshikpen baılanysty múliktik sıpattaǵy barlyq mámileler týraly esep osy Qaǵıdalarǵa qosymshaǵa sáıkes nysanda beriledi jáne mynadaı málimetterdi qamtıdy: 1) mámile túri (qosymsha jaldaý, kepil, jaqsartýlar júrgizý, ıelikten shyǵarý); 2) mámile derektemeleri (sharttyń nómiri men kúni, mámileni oryndaý merzimi, mámile taraptary, mámilede kózdelgen tólemderdi tóleý sharttary nemese engizý tártibi); 3) mámile nysanasy bolyp tabylatyn memlekettik múliktiń sıpattamasy men quny. 8. Senimger basqarýshynyń senip basqarýyna berilgen memlekettik menshikpen baılanysty qarjylyq qyzmet týraly esebi Qazaqstan Respýblıkasynyń býhgalterlik esep jáne qarjylyq eseptilik týraly zańnamasyna sáıkes esepti jyldan keıingi jyldyń 1 maýsymyna deıin beriledi. 9. Jeke jáne zańdy tulǵalar baǵdarlamalyq qamtylymdy paıdalana otyryp, esepti elektrondyq túrde jasaıdy, oǵan ulttyq kýálandyrýshy ortalyq bergen elektrondyq sıfrlyq qoltańbamen qol qoıady jáne respýblıkalyq múlikke qatysty – memlekettik múlikti basqarý jónindegi ýákiletti organǵa nemese kommýnaldyq múlikke qatysty – jergilikti bıýdjetten qarjylandyrylatyn atqarýshy organǵa esepti baǵdarlamalyq qamtylymdaǵy esepti jiberýge jáne Tizilimniń qurylymyna engizýge arnalǵan servısti paıdalana otyryp, Tizilim arqyly jiberedi. Esep memlekettik múlikti basqarý jónindegi ýákiletti organnyń nemese jergilikti bıýdjetten qarjylandyrylatyn atqarýshy organnyń memlekettik múliktiń tıimdi paıdalanylýyn baqylaý maqsatynda beriledi. 10. Memlekettik múlikti basqarý jónindegi ýákiletti organ nemese jergilikti bıýdjetten qarjylandyrylatyn atqarýshy organ esep túsken kúnnen bastap úsh jumys kúni ishinde Tizilim arqyly jeke jáne zańdy tulǵalardyń elektrondyq sıfrlyq qoltańbalarynda kórsetilgen elektrondyq mekenjaıyna eseptiń Tizilimge engizilgeni nemese pysyqtaýǵa qaıtarylý sebepteri týraly elektrondyq habarlama jiberedi. 11. Jeke nemese zańdy tulǵalardyń osy Qaǵıdalardyń 7, 8 jáne 9-tarmaqtarynda kórsetilgen talaptardy saqtamaýy esepti qaıtarýǵa negiz bolyp tabylady. 12. Esep qaıtarylǵan jaǵdaıda, jeke jáne (nemese) zańdy tulǵa eskertýlerdi joıyp, eseptiń qaıtarylǵany týraly habarlamany alǵan kúnnen bastap úsh jumys kúni ishinde Tizilimge qaıta esep jiberedi. Memlekettik múlikti basqarý jónindegi fýnksııalardy oryndaýǵa qatysatyn jeke jáne zańdy tulǵalardyń memlekettik menshikpen baılanysty múliktik sıpattaǵy barlyq mámileler jáne qarjylyq qyzmet týraly esepter berýiniń qaǵıdalary men merzimderine qosymsha nysan Memlekettik múlikti basqarý jónindegi fýnksııalardy oryndaýǵa qatysatyn jeke jáne (nemese) zańdy tulǵanyń memlekettik menshikpen baılanysty múliktik sıpattaǵy barlyq mámileler týraly esebi R/s № Mámile túri (qosymsha jaldaý, kepil, jaqsartýlar júrgizý, ıelikten shyǵarý) Mámile derektemeleri Mámile nysanasy bolyp tabylatyn memlekettik múliktiń sıpat­tamasy men quny sharttyń nómiri men kúni mámile taraptary mámileni oryndaý merzimderi mámilede kózdelgen tólemderdi tóleý sharttary nemese engizý tártibi