Jyl basynan beri meldonıımen 99 sportshy ustaldy

ASTANA. 12 naýryz. Qandary quramynan meldonıı atty tyıym salynǵan preparat tabylǵan sportshylar sany 99 adamǵa jetip jyǵyldy. Bul týraly ras.kz-ke silteme jasaǵan egemen.kz tilshisi habarlady. Búkilálemdik antıdopıngilik agenttiktiń (WADA) resmı ókili Ben Nıkolstyń aıtýynsha, áńgime 2016 jyldyń 1 qańtarynan qoldanýǵa tyıym salynǵan preparattar tizimine kirgen meldonııdi paıdalanǵandary anyqtalǵan sportshylar týraly bolyp otyr. Naýryzdyń 8-i kúni 60 bolǵan olardyń qatary 11 naýryzda 99-ǵa jetken. Ázirge bul tizimdegi 12 sportshynyń ǵana aty jurtqa belgili. Bulardyń arasynda 8 reseılik sportshy bar. Olardan bólek, ýkraınnyń 2 bıatlonısi, grýzınniń 1 palýany, shvedtiń 1 jeńil atleti atalady. Al meldonııdi jasaýshy latyn mamany Ivar Kalnınsh atalmysh preparatty dopıng dep esepteýge qarsylyq tanytty. Ol munyń tek júrektiń qyzmetin jaqsartýǵa ǵana qyzmet etetinin aıtady. Sondyqtan myna áreketti adam quqyǵyna qol suǵý dep baǵalaıdy. Meldonııdyń dúrbeleńine baılanysty Reseı syrtqy ister mınıstri Sergeı Lavrov ta óziniń kelispeýshiligin bildirdi. Ol WADA-dan meldonııge baılanysty túsinikteme berýdi talap etti Talǵat Raıymbek. Derek, sýret: ras.kz.