Malaızııada eki keme soqtyǵysyp, 6 adam qaza boldy

ASTANA. 13 naýryz. Malaızııada eki keme soqtyǵysyp, 6 adam qaza tapty. Sondaı-aq, 8 adam aýyr jaraqat alyp, jaqyn mańaıdaǵy aýrýhanaǵa jetkizildi. Bul týraly TASS aqparat agenttigine silteme jasaǵan egemen.kz tilshisi habarlady. New Straits Times basylymynyń habarlaýynsha, oqıǵa 13 naýryzǵa qaraǵan túni Sabah shtatynyń ákimshilik ortalyǵy Kota-Kınabýlý qalasynda boldy. Sý kóliginiń birinde úılený toıyna jınalǵan 30 adam, al ekinshisinde jergilikti fabrıkanyń 24 qyzmetkeri bolǵan. Tártip saqshylary apattyń basty sebebi, tumannyń saldarynan bolýy múmkin degen boljam jasady. Al sý kólikteriniń ekeýinde de sýǵa batyrmaıtyn arnaıy keýdeshelerdiń bolmaǵanyn aıtty. Eki kemeniń soqtyǵysýynan barlyǵy 20 adam túrli dene jaraqatyn aldy. Alaıda, 8 adam ǵana jaqyn mańaıdaǵy aýrýhanalardyń birine jetkizildi. Dárigerlerdiń aıtýynsha, eki adamnyń jaǵdaıy tym aýyr. Aıan Ábdýálı. Derek: TASS. Sýret: yakutia.info.