Jetimderdi jylatpady

Qarqaraly aýdanyndaǵy Qaınarbulaq aýylynda tu­ratyn Aıgúl Nurhasenova bes balanyń anasy. Kúıeýi qaıtys bolyp, qıyndyqtyń zaryn erte tartqan jan. «Jut – jeti aǵaıyndy» degen emes pe, azamatynan aıyrylyp, aza tutyp júrgeninde úıi órtenip ketip, qaıǵysynyń ústine qaıǵy jamaldy. Sóıtip, bir kúnniń ishin­de bes balasymen dalada qalǵan jaıy bar edi... Barar jer, basar taýy qal­maǵan Aıgúl amaldyń joq­tyǵynan Qarqaraly aýdanynyń ákimi Halel Maq­sutov Qaınarbulaqqa, tur­ǵyndar aldynda esep berýge kelgende óz basyndaǵy jaıtty jaıyp salǵan bolatyn. Bul máseleni aýdan ákimi aıaqsyz qaldyrmaı, jamaǵatqa qoldan kelgenshe kómek kórsetýlerin ótinip, ún tastaǵan edi. Jetimi men jesirin jylatpaǵan el emes pe, Aıgúldiń basyndaǵy aýyr jaǵdaıǵa beıjaı qaramaǵan aýdan halqy jylý jıyp, az ǵana ýaqyttyń ishinde ortaǵa qomaqty qarjy túsirdi. О́z kezeginde bul aqsha aýyldaǵy bes bólmeli eńseli úıdi satyp alýǵa múmkindik berdi. Sóıtip, birligi jarasqan eldiń arqasynda Aıgúl Nurhasenova bir kúnniń ishinde baspanaly bolyp shyǵa keldi. Aýyl turǵyndarynyń atynan ardaqty ana Qapıza Omar­bekqyzy atqa mingen aza­mattarǵa shyn júrekten alǵys aıtty. «Osyndaı ıgi shar­any júzege asyrýǵa mu­ryndyq bolǵan aýdan ákimi Halel Muqataıulyna, aýyl ákimi Qızat Jáýkenulyna, qoldan kelgenshe kómektesken halaıyqqa analyq alǵysymdy bildiremin. Aıgúlimizdiń sha­ńyraǵy qutty bolyp, ishi shat­tyqqa tolsyn, baq-bereke qon­syn!» – dep alǵys jaýdyrdy ardaqty ana. Qaırat ÁBILDINOV, «Egemen Qazaqstan». Qaraǵandy oblysy, Qarqaraly aýdany.