Astanadaǵy alǵashqy konsert

Maıra Muhamedqyzy súıikti halqyna án shyrqap beredi Maıra Muhamedqyzy Beıjiń, Gonkong, Parıj, Ystambul, Delı, Seýl jáne álemniń basqa da kóptegen qalalarynyń áıgili sahnalarynda án shyrqaǵan óner juldyzy. 22 naýryzda opera ánshisi qazaqstandyqtar aldynda óner kórsetedi. Maıranyń aıtýynsha, onyń júregi men jan dúnıesi súıikti halqyna tıesili. «Shyrqar ánim – Astana kóktemi» atty ǵajap konsert «Astana Opera» teatrynyń Úlken zalynyń sahnasynda ótedi. Qazaqstannyń eńbek si­ńirgen ártisi, P.Chaıkov­skıı atyndaǵy HI Halyq­aralyq konkýrstyń je­ńim­pazy, Mem­lekettik syı­lyqtyń laý­rea­ty Maıra Muhamedqyzy óziniń dos-jarandary men áriptesteri: Qazaqstannyń eńbek sińirgen qaıratkeri, Tatarstannyń eńbek sińirgen ártisi Nur­lan Bekmuhambetov (tenor), Qazaqstannyń eńbek sińirgen qaıratkerleri: Dı­na Hamzına (messo-soprano), Medet Shotabaev (te­nor), Súndet Baıǵojın (ba­rıton), sonymen qatar Ram­zat Balakishıev (tenor), Talǵat Ǵaleevpen birge (barıton) arııalar, dýetter já­ne qazaqtyń ha­lyq ánderin oryndaıdy. Konsertke balet ártisteri, «Astana Opera» hory men sımfonııalyq or­kestri qa­tysady. Dırıjer – Qazaqstannyń eńbek sińirgen qaıratkeri Abzal Muhıtdınov, bas hormeıster – Qazaqstannyń eńbek sińirgen qaıratkeri Erjan Dáýitov. – Men sahnada 20 jyl án shyrqap kelemin. Búginde armandaǵan rólderimniń barlyǵyn oryndap shyqtym. Degenmen mende taǵy úlken arman bar, ol – Kovent-Garden, Metropolıten-ope­ra teatr­larynda óner kórsetý. Bul konsert – shy­ǵarmashylyqty qory­tyndylaý emes, tek jańa belestiń bastaýy. Qazaq­stan Respýblıkasynyń Pre­zıdenti Nursultan Nazar­baev syılaǵan tamasha «As­tana Opera» teatrynda meniń ekinshi tynysym ashyl­ǵandaı. 22 naýryzda men óz halqyma jańa ujym­men birlesip daıyndaǵan baǵ­darlamany usy­namyn. Konsertke daı­yn­­dyq kezinde biz kon­sert­meısterim Elena Sah­no­men kóp jáne tabandy ju­mys istedik, vokaldyq she­berlikti ushtap, keıbir erek­shelikterin jaqsylap pysyqtadyq. Osy keshten tyńdarman naǵyz láz­zat al­ǵanyn qalaımyn, – deıdi Maıra Muha­medqyzy. «Egemen-aqparat».