Úmittiń úmiti úzilmesin

Kókshetaýdaǵy «Dostyq» úıinde oblystyq ákimdiktiń qoldaýymen Qazaqstan hal­qy Aqmola Assambleıasy ja­­­nyndaǵy Analar keńesi qaıyrymdylyq aýksıo­nyn uıymdastyrdy. «Qa­ıy­­­­­rymdylyq kerýeni» res­pýblıkalyq aksııasy aıa­syn­daǵy shara Úmit esimdi sábıge qarjylaı kómek kórsetý maq­satynda ótkizildi. – Bárimizdiń kúndelikti ómi­rimiz qarbalasqa toly. Sol qar­balas tirshiliktiń qareketin jasaımyz dep júrip, kómekke muqtaj jandardy umytyp ketetinimiz de shyndyq. Biraq, bir sátke aınalamyzdaǵy adam­darǵa kóz salyp, qoldan kelgenshe járdemdesýge kóńil bó­­lýimiz qajet. О́zgelerge jaq­­­­­­­­sylyq jasaý naǵyz aza­mattyqtyń belgisi, – dedi qa­ıyrymdylyq aýksıonyn ash­qan oblys ákiminiń orynbasary Nurlan Nurkenov. Osydan keıin bes lot oınatyldy. Satylymǵa «Áý­let» mektepten tys ju­mys ortalyǵy jáne ónerpaz daryndy balalarmen ju­mys júrgizý jónindegi ob­lystyq oqý-ádistemelik orta­­lyǵy oqýshylarynyń qoly­men jasalǵan ártúrli shyǵarmashylyq janrdaǵy buıymdar qoıyldy. Qolóner men qaıyrymdylyqty ush­tas­tyrǵan mektep oqýshy­larynyń ıgi istiń uıytqysy bola bilýine jurtshylyq rıza­shylyǵyn bildirdi. Aýksıon barysynda zal­da jınalǵan qaýym ár­bir lotty qalt jibermeı, belsendilik tanytty. Aldymen aǵashtan oıylǵan «Altyn balyq» saý­daǵa qoıyldy. Ony Kók­she­­taýdaǵy «AP-Impeks» se­rik­testiginiń dırektory Ju­mabaı Ámirjanov bastapqy qunynan on ese artyq baǵaǵa satyp aldy. Osy­dan keıin-aq belsendilik arta tústi. Jurt­shylyq Aq­mola oblysy ákimi apparaty janyndaǵy «Qoǵamdyq kelisim» mekemesiniń dırektory Munarbek Batyr­hanovtyń, «Aqmola oblysynyń orys qa­ýymdastyǵy» qoǵamdyq bir­lestiginiń jetekshisi Alek­sandr Artemenkonyń, taǵy bas­­qa­lardyń jomarttyǵyna qol soqty. Shara qorytyndysynda, arnaıy qurylǵan esep komıs­sııasy jınalǵan qarajatty sanap, ony Qazaqstan halqy Aqmola Assambleıasy janyn­daǵy Ana­lar keńesiniń tór­aıymy Zere Qıyqova syrqat sábıdiń anasy Gúlnár Zeınýl­lınaǵa tapsyrdy. Syrqat sábıdiń anasy bala taǵdyryna janashyrlyq ta­nytqan «Analar keńesine», qaıyrymdy jandarǵa, qıyn sátte demeý bolǵan jal­py jurt­­­shylyqqa rızashylyǵyn bildirdi. Jınalǵan qaýym kish­kentaı Úmitke jasalatyn aldaǵy kúrdeli otalardyń sátti ótýine, kóp uzamaı qulan-taza saýyǵyp ketýine tilektestigin aıtty. Baqbergen AMALBEK, «Egemen Qazaqstan». Aqmola oblysy.