Aqtóbege Ulttyq bank tóraǵasy keldi

AQTО́BE. 17 naýryz. Aqtóbege elimizdiń bas bankıri keldi. Bul týraly egemen.kz tilshisi habarlady. О́ńirge jumys saparymen kelgen Ulttyq banktiń tóraǵasy Danııar Aqyshev «Aqtóbe aqparat» ortalyǵynda ótken baspasóz konferensııasyna qatysyp, elimizdegi ekonomıkalyq damý jáne oǵan qarjy ınstıtýttarynyń yqpaly, teńgeniń tegeýrindiligin arttyrý syndy máselelerge toqtaldy. Ol sondaı-aq, teńgeniń erkin aınalym saıasatynyń taıaý ýaqytta ózgermeıtinin tilge tıek etti. Aqsha aıyrbastaý qyzmetindegi ózgeristerdi de aınalyp ótpedi. Qazirgi tańda teńgeni shetel valıýtasyna aýystyrýshylardan jeke basyn kýálandyratyn qujat talap etý sheginiń burynǵy 2 mıllıon teńgeden 1 mıllıon teńgege deıin tómendetilgeniniń nelikten ekenin túsindirdi. Teńgeni turaqtandyrý baǵytyndaǵy basqa da máselelerge qatysty Ulttyq bank ustanymdaryn tarata baıandady. Ol Memleket basshysynyń tapsyrmasymen júzege asyrylyp jatqan ıpotekalyq nemese ıpotekalyq turǵyn úı zaemdaryn qaıta qarjylandyrý baǵdarlamasyna aıryqsha toqtaldy. «2016 jyldyń 1 naýryzyndaǵy jaǵdaı boıynsha qazaqstandyqtar ıpotekalyq zaemdardy qaıta qarjylandyrý baǵdarlamasy aıasynda 19 myńnan astam aryz berdi. Olardyń ishinde somasy 76 mıllıard teńge bolatyn 12 421 aryz maquldandy. Aryz qabyldaý jalǵasýda. Ulttyq bank bólingen qarajatty ıgerý qarqynyn arttyrý úshin birqatar sharalardy qolǵa alyp jatyr. Aqtóbe oblysy boıynsha 1136 aryz berilgen. Sonyń somasy 3,7 mıllıard teńge bolatyn 760-y maquldandy», – dep habarlady qarjylyq retteý qurylymynyń basshysy. Ol Ulttyq banktiń turǵyndardyń ıpotekalyq qaryzyn óteýge yqpal etý úshin jumysty kúsheıtetinin de atap ótti. О́tken jyly oblystyń bankterdegi depozıtteriniń kólemi 56 paıyzǵa artyp, 390 mıllıard teńge quraǵanyn da aıtyp ótti. Zańdy tulǵalardyń salymdary 83,2 paıyzǵa artyp, 208 mıllıard, jeke tulǵalardyń salymdary 33,4 paıyzǵa artyp, 181,6 mıllıard teńgege jetken. Danııar Aqyshev qazaqstandyqtardyń kóbine teńgelik depozıtterdi tańdaıtynyn jetkizdi. Ol BAQ ókilderiniń elimizdegi qarjy saıasaty, nesıe stavkasy, altyn-valıýta qory jáne basqa máselelerge baılanysty birqatar saýaldaryna jaýap berdi. Jumys sapary barysynda bas bankır oblys ákimi Berdibek Saparbaevtyń qatysýymen ótken ekinshi deńgeıdegi bankterdiń, saqtandyrý kompanııalarynyń jáne aqsha aıyrbastaý pýnktteriniń ókilderimen kezdesýge qatysty. Satybaldy Sáýirbaı. Derek, sýret: egemen.kz.