Bılik ókilderi de bıikten tabyldy

Keshe mıllıondaǵan qazaqstandyq azamattardyń qatarynda el bıliginiń joǵarǵy satysynda qyzmet etip júrgen tulǵalar da Parlament Májilisi men máslıhattar depýtattarynyń kezekten tys saılaýyna bir kisideı qatysyp, ózderiniń daýystaryn berdi. Olar ózderi daýys berýge tıisti saılaý ýchaskelerine erte kelýshiler qatarynan tabyldy. Qazaqstan Res­pýb­lıkasynyń Premer-Mınıstri Kárim Másimov saǵat tańǵy 9:05-te Astanadaǵy M. Gorkıı atyndaǵy orys drama teatry ǵı­maratynda ornalasqan № 99 saılaý ýchas­kesine keldi. Úkimet basshysy munda Parlament Májilisimen birge qalalyq máslıhat depýtattyǵyna kandıdatqa da óziniń daýysyn berdi. Qazaqstan Respýblıkasy Parlamenti Senatynyń Tóraǵasy Qasym-Jomart Toqaev Astanadaǵy «Kongress-holl» saraıyna ornalasqan № 100 saılaý ýchaskesine keldi. Ol Parlament Májilisi men qalalyq máslıhat depýtattyǵyna daýys berip shyqqannan keıin buqaralyq aqparat quraldarynyń ókilderimen kezdesti. «Əlemdegi turaqsyzdyq jaǵdaıynda Qazaqstan óziniń saılaýyn ótkize otyryp, taǵy bir tarıhı oqıǵanyń kýəsi bolyp otyr, – dedi spıker óziniń sózinde. – Elimizde us­tan­­ǵan sarabdal saıasattyń arqasynda bári­miz­de turaqtylyq pen bolashaqqa degen nyq senim bar. Sondyqtan, meniń oıym­sha, osy saılaý arqyly Qazaqstan búkil əlemge baı­sal­dylyǵyn tanytady. Endeshe, búgingi saılaý­dyń ədil de ashyq ótetinine kúmən joq». Qazaqstan Respýblıkasynyń Mem­le­kettik hatshysy Gúlshara Ábdiqalyqova saılaýda daýys berý úshin Astanadaǵy №89 saılaý ýchaskesine keldi. «Búgin bizde óte mańyzdy saıası oqıǵa bolyp jatyr. О́ıtkeni, elimizdiń joǵarǵy zań shy­ǵa­rýshy organy – Parlament pen más­lıhat depýtattarynyń saılaýy júrýde. Sonymen qatar, aldymyzda jańarý me­rekesi – Naýryz meıramy keledi. Sondyq­tan da kóńil-kúıimiz keremet. Biz saılaýda daýys berý arqyly, túptep kelgende, óz bolashaǵymyz ben turaqtylyǵymyz úshin daýys berip otyrmyz», – dedi G.Ábdi­qalyqova. Parlament Májilisi men barlyq deń­geı­degi máslıhatqa saılaý kópshilik oblys­ta Astana ýaqyty boıynsha saǵat 07:00-de bastaldy. Batystaǵy Aqtóbe, Aty­raý, Mańǵystaý jáne Batys Qazaqstan oblys­tary bólek saǵattyq beldeýlerde orna­las­qan­dyqtan, mundaǵy saılaý ýchaskeleri basqa ob­lystardan bir saǵat keıinge, As­tana ýa­qytymen saǵat 08:00-de sóreden shyqty. Parlament saılaýyna 10 mıllıonǵa jýyq, máslıhat saılaýyna 18 mıllıonnan astam bıýlleten taratylǵan. Saılaýshylar sany 9,7 mıllıon adamnan asyp otyr.  «Egemen-aqparat».