Suraý salý nátıjeleri jarııalandy

«Demokratııa ınstıtýty» ǵylymı-zertteý assosıasııasy Exit-poll tehnologııasy boıynsha saılaý ýchaskelerinen shyqqan sátte saılaýshylar arasynda respýblıkalyq saýal­dama júrgizdi. Exit-poll-dyń qorytyndylary mynadaı: «Nur Otan» partııasy – 82%, «Qazaq­stan­nyń Kommýnıstik halyq partııasy» – 7,17%, «Aq ­jol» partııasy – 7,22%, «Birlik» partııasy – 0,35% , Jalpyulttyq sosıalıstik-demo­kra­tııalyq partııa – 1,21%, «Aýyl» partııasy – 2,05%. Zertteý elimizdiń barlyq 14 oblysynda jáne Astana men Almaty qalalarynda júr­gi­zilip, oǵan 75 myń saılaýshy qatysty. Saýal­da­mamen jalpy 750 saılaý ýchaskeleri, onyń ishinde 513 qalalyq, 237 aýyldyq saı­laý ýchas­keleri qamtyldy. Zertteý KTK telearnasynyń tapsyrysy boıynsha júrgizildi. * * * Parlament Májilisiniń depýtattaryn saılaý kúni «Qoǵamdyq pikir» zertteý ıns­tıtýty Zakon.kz aqparattyq portalynyń tapsyrmasymen Exit-polle-standartty ádistemesi boıynsha daýys berip, saılaý ýchaskesinen shyqqan saılaýshylar arasynda saýaldama júrgizdi. Saılaý ýchaskelerine kelýshilerge «Siz qaı partııaǵa daýys berdińiz?» degen suraq qoıylǵan. Saýaldama elimiz bo­ıynsha 110 saılaý ýchaskesinde júrgizilgen. Saılaý ýchas­kesinen shyqqan árbir besinshi saılaýshydan jaýap alynǵan. Atalǵan saýaldamaǵa barlyǵy 30 myń adam qatysypty. Irikteme qateligi +/- 0,8%. Saýaldamaǵa elimizdiń barlyq aımaqtarynan 200-ge jýyq respondent tartylǵan. «Nur Otan» partııasynyń kór­setkishi – 82,15%, Qazaqstannyń Kom­mý­nıstik ha­lyq partııasynyki – 7,15%, «Aq jol» demo­kra­tııa­lyq partııasynyki – 7,17%, «Bir­lik» par­tııasynyki – 0,31%, Jalpy­ulttyq sosıal-de­mokratııalyq partııasynyki – 1,19% jáne «Aýyl» partııasynyki – 2,03%. Qaı partııanyń aty ozady dep kelgen saı­laý naýqany da keshe óz máresine jetti. Osy­ǵan oraı keshe Qazaqstan Respýblıkasy Parla­menti Májilisi depýtattaryn saılaý kúni «Medıa Konsýl» agenttigi Exit-poll ádistemesi boıynsha áleýmettik saýaldama júrgizdi. Atalǵan áleýmettik saýaldama «Bas redaktorlar klýby» qoǵamdyq birlestiginiń tapsyrysy boıynsha júrgizildi. Suraý salynǵandar kezdeısoq iriktelip, árbir besinshi saılaýshy saýaldamaǵa qatysqan. Zertteý elimizdiń barlyq óńirleriniń, qala men aýyl turǵyndarynyń sany teń bolatyndaı 225 saılaý ýchaskesinde júrgizilgen. Saýaldama júrgizýge 267 suhbat alýshy tartylsa, olardyń jumysyn 16 óńirlik menedjer úılestirip otyrǵan. Oǵan elimizdiń barlyq óńirinen 40 050 adam qatysqan. Saılaýshylarǵa «Siz qandaı saıası partııa úshin daýys berdińiz?» degen suraq qoıylǵan. «Nur Otan» partııasyna saılaýshylardyń 81,95 paıyzy óz daýystaryn beripti. Al Qazaqstannyń «Aq jol» demokratııalyq partııasyna saılaýshylardyń 7,24 paıyzy jáne Qazaqstannyń Kommýnıstik halyq partııasyna 7,22 paıyzy óz tańdaýlaryn jasapty. Budan keıingi orynǵa 2 paıyzdyq nátıjemen «Aýyl» halyqtyq-demokratııalyq partııasy jaıǵasqan. Bul jolǵy saılaýda Jalpy­ulttyq sosıal-demo­kratııalyq partııasy saılaýshylardyń 1,20 paıyzdyq daýysyn ıelengen. Jańadan qurylymdalǵan «Birlik» saıası partııasy úshin saılaýshylardyń 0,39 paıyzy ǵana óz senimderin bildirgen. Irikteýdegi ortasha qatelik 0,69 paıyz. –––––––––––– Sýretti túsirgen Erlan OMAROV.