Qazaqstan xalqy Assambleıasynyń kezekten tys XXIII sessııasy bastaldy

ASTANA. 21 naýryz. Beıbitshilik jáne kelisim saraıynda «Qazaqstan xalqy Assambleıasy saılaıtyn Parlament Májilisiniń depýtattarynyń kezekten tys saılaýy» kún tártibimen Assambleıanyń kezekten tys XXIII sessııasy óz jumysyn bastady. Bul týraly kazinform.kz-ke silteme jasaǵan egemen.kz tilshisi habarlady. Sessııada «Qazaqstan Respýblıkasynyń Saılaý týraly» konstıtýsııalyq zańynyń 93-1-babyna sáıkes, Assambleıa músheleri Assambleıa saılaıtyn Parlament Májilisiniń depýtattyǵyna Qazaqstan xalqy Assambleıasy keńesi usynǵan kandıdattar úshin daýys berýdi bastady. Onda eldiń barlyq óńirderinen, respýblıkalyq jáne óńirlik etnomádenı birlestikter ókilderiniń qatarynan quralǵan Qazaqstan xalqy Assambleıasy músheleri, qoǵam qaıratkerleri, ǵylymı jáne shyǵarmashyl zııaly qaýymnan turatyn delegasııalar, elimizde tirkelgen xalyqaralyq baıqaýshylar men sheteldik BAQ ókilderi qatysýda. Saǵat 07:00-de Astana qalasynyń qalalyq saılaý komıssııasy Beıbitshilik jáne kelisim saraıynda Parlament Májilisiniń depýtattaryn saılaý boıynsha arnalǵan pýnktti ashty. Aıta keteıik, Parlament Májilisinde 107 depýtat bar, onyń 98-i partııalyq tizim boıynsha, 9-y Qazaqstan halqy Assambleııasy atynan saılanady. Eske sala keteıik, Qazaqstan xalqy Assambleıasy atynan 9 úmitker: Abdrahmanov Saýytbek Abdrahmanuly, Bojko Vladımır Karpovıch, Jumadildaeva Natalıa Vasılevna, Kım Roman Ýhenovıch, Mıkaelıan Narıne Gamletovna, Mýradov Ahmed Seıdarahmanovıch, Nýrýmov Shaımardan Ýsaınovıch, Tımoshenko Iýrıı Evgenevıch, Hahazov Shakır Hýsaınovıch tirkelgen bolatyn. Talǵat Raıymbek. Derek: kazinform.kz. Sýret: khabar.kz.